ប្រភពព័ត៌មានពីសមត្ថកិច្ចបានឲ្យដឹងថា រថយន្តតាកូម៉ាមួយគ្រឿង ពណ៌ទឹកកប្រាក់ ពាក់ស្លាកលេខ ភ្នំពេញ 2L-6852 ជិះគ្នា២នាក់ប្តីប្រពន្ធជាជនជាតិចិន តាមបណ្តោយផ្លូវសហព័ន្ធរុស្សី ក្នុងទិសដៅពីលិចទៅកើតយ៉ាងលឿន លុះទៅដល់ចំណុចកើតហេតុក៏បោះពួយទៅបុករនាំដែកពុះចែកទ្រូងផ្លូវបាក់អស់៥ផ្ទាំ និងទ្រេតអស់១ផ្ទាំងតែម្តង។
ក្រោយពេលកើតហេតុ សមត្ថកិច្ចបានឃាត់ខ្លួនជនជាតិចិន២នាក់ប្តីប្រពន្ធខាងលើ និងយករថយន្តបង្កទៅរក្សាទុកនៅស្នងការដ្ឋាននគរបាលរាជធានីភ្នំពេញ ដើម្បីធ្វើការដោះស្រាយតាមផ្លូវច្បាប់៕ ដោយ សុខ ស៊ីឌី
