បន្ទាប់ពីបានបំភ្លឺលោកយើងនេះ និងអណ្តែតត្រសែតក្នុងមេឃាអស់រយៈពេលជាច្រើនពាន់លានឆ្នាំរួចមក ទីបំផុតព្រះអាទិត្យរកបានម្ចាស់ហើយ។
ស្ត្រីម្នាក់រស់នៅប្រទេសអេស្បាញឈ្មោះ Angeles Duran អាយុ ៤៩ឆ្នាំ បានប្រាប់ទៅទីភ្នាក់ងារសារព័ត៌មាន EL Mundo daily ថា : នាងបានសម្រេចចិត្តទៅចុះឈ្មោះជាម្ចាស់របស់ព្រះអាទិត្យ បន្ទាប់ពីស្ត្រីរូបនេះបានដឹងដំណឹងថា មានបុរសមួយរូបបានទៅចុះ ឈ្មោះធ្វើជាម្ចាស់ព្រះច័ន្ទ និងផ្កាយមួយចំនួនទៀតក្នុងប្រព័ន្ធព្រះអាទិត្យរបស់យើង។
តាមច្បាប់អន្តរជាតិមួយ បានយល់ព្រមស្របគ្នាថា គ្មានប្រទេសណាមួយត្រូវបានអនុញ្ញាតឲ្យធ្វើជាម្ចាស់របស់ភពផ្កាយនៅក្នុងមេឃឡើយ។ នៅក្នុងកិច្ចព្រមព្រៀងនោះ មិនបាននិយាយដល់ថា បុគ្គលមិនអាចធ្វើជាម្ចាស់របស់ផ្កាយ ឬភពណាមួយនោះទេ ចន្លោះប្រហោងត្រង់នេះឯងដែលស្ត្រីរូបនោះយកមកធ្វើជាសំអាង សំរាប់ការទាមទារធ្វើជាម្ចាស់របស់ព្រះអាទិត្យដោយស្របច្បាប់។
ស្ត្រីឈ្មោះ Angeles Duran បាននិយាយឲ្យដឹងថា “ខ្ញុំដឹងពីច្បាប់! ទោះបីថា ខ្ញុំធ្វើនេះវាមិនគប្បីក៏ដោយ តែក្រៅពីរូបខ្ញុំអាចមានអ្នកណាផ្សេងទៀត ទាមទារធ្វើជាម្ចាស់របស់ព្រះអាទិត្យនៅពេលណាមួយមិនខាន តែក៏ឥឡូវព្រះអាទិត្យគឺជាទ្រព្យសម្បត្តិរបស់ខ្ញុំហើយ”។ នៅក្នុងឯកសារ ដែលចេញឲ្យដោយមន្ទីរសារការីបានបញ្ជាក់យ៉ាងច្បាស់ថា ព្រះអាទិត្យ ប្រភេទផ្កាយ G2 មានទីតាំងស្ថិតនៅចំកណ្តាលប្រព័ន្ធព្រះអាទិត្យ មានចម្ងាយ មួយរយសែសិបប្រាំបួនលាន ប្រាំមួយសែនគីឡូម៉ែត្រ ពីផែនដី ជាកម្មសិទ្ធិដាច់មុខរបស់អ្នកស្រី Angeles Duran។
ស្ត្រីរូបនេះ បាននិយាយឲ្យដឹងថា នាងនឹងយកថ្លៃសេវាពីមនុស្សគ្រប់គ្នា អ្នកណាក៏ដោយដែលប្រើព្រះអាទិត្យជាប្រយោជន៍ ឯប្រាក់ចំណូលដែលបានមកពាក់កណ្តាល និងប្រគល់ឲ្យទៅរដ្ឋាភិបាលអេស្បាញ ២០ភាគរយទៀតឲ្យទៅខាងសង្គមកិច្ច សល់ប៉ុន្មាន គឺស្ត្រីនេះជាអ្នកយកដាច់តែឯង៕
ដកស្រង់ចេញពីគេហទំព័រ cen
