ភ្នំពេញ៖ តារាសម្តែងសិចស៊ី និងជាពិធីការិនីដែលសម្បូរដោយព័ត៌មានស្នេហា កញ្ញា កុល ដាវី មួយរយៈកន្លងទៅ តែងតែលេចឮជាបន្តបន្ទាប់នូវរឿងរ៉ាវជីវិតផ្ទាល់ខ្លួនរបស់នាង។ ថ្មីៗនេះ កុល ដាវី បានទម្លាយឲ្យដឹងថា នាងនៅមិនទាន់ឆ្លើយថា OK ចំពោះបុរសជនជាតិកូរ៉េនោះ នៅឡើយទេ ដោយសុំទុកពេលពិចារណាបន្តិចសិន។
គេតែងសង្កេតឃើញថា ជាញឹកញាប់ ឱ្យតែ កុល ដាវី ទៅចូលរួមកម្មវិធីរបស់អ្នកសិល្បៈរួមអាជីព គឺតែងលេចមុខបុរសជនជាតិកូរ៉េ វ័យជិត៤០ឆ្នាំ មកដល់ដែរ ជាមួយនឹងឡានថ្លៃៗ ប៉ុន្តែបុរសកូរ៉េនោះ មិនដែលហ៊ានចូលទៅជិត បង្ហាញភាពស្និទ្ធស្នាល ឬកៀកកើយ ដាវី នៅក្នុងពិធី ដូចតារាដទៃ ដែលតែងបណ្តើរសង្សារទៅទេ ព្រោះតែ កុល ដាវី មិនទាន់យល់ព្រមបើកបេះដូងទទួលយកបុរសតាមស្អិតនេះជាសង្សារនៅឡើយ។
ប្រភពពីអ្នកសិល្បៈដែលស្និទ្ធនឹង កុល ដាវី បានបង្ហើបឲ្យដឹងថា សព្វថ្ងៃ កុល ដាវី កំពុងតែត្រូវបានបុរសជនជាតិកូរ៉េ ភ្នែកតូចៗ និយមពាក់វ៉ែនតា ដែលគេដឹងថា តែងតែទូរស័ព្ទមកសុំស្នេហានាងស្ទើររាល់ថ្ងៃ ជាមួយនឹងការសន្យាថា សុំនាងរៀបការតាមប្រពៃណីខ្មែរ ត្រឹមត្រូវ ប្រសិនបើ កុល ដាវី ព្រមទទួលយកស្នេហាឆ្លងទ្វីបនេះ។ ជុំវិញរឿងរ៉ាវស្នេហានេះ កុល ដាវី បានប្រាប់ឲ្យដឹថា បុរសកូរ៉េរូបនោះ ទើបតែស្គាល់ និងតាមស្រលាញ់នាងបានមួយឆ្នាំទេ ហើយនាងកំពុងតែពិចារណាអំពីទឹកចិត្តស្នេហាបុរសនេះថា តើគេមានចិត្តចុះសម្រុងជាមួយនាងឬអត់? ពិសេស គឺប្រពៃណីខ្មែរ។
តាមប្រភពថា បុរសកូរ៉េ កំពុងលង់ស្នេហ៍ស្រលាញ់ កុល ដាវី ដកចិត្តមិនរួចនោះ ព្រោះតែក្រឺតក្នាញ់នឹងសម្រស់ដើមទ្រូងដ៏ទ្រលុកទ្រលន់មូលក្លុំរបស់នាង ទើបតាមស្រលាញ់ ចង់បានជាប្រពន្ធ តែ ដាវី នៅមិនទាន់ឆ្លើយថា OK នៅឡើយ ដោយសុំទុកពេលពិចារណាបន្តិចសិន។យ៉ាងណាក៏ដោយ គេសង្កេតឃើញថា បើទោះជា កុល ដាវី លេងខ្លួនយ៉ាងសិចស៊ី ស្លៀកពាក់បង្អួតដើមទ្រូងមូលក្លុំ ទ្រលុកទ្រលន់យ៉ាងណាក៏ដោយ ប៉ុន្តែ គេសរសើរថា កុល ដាវី ចេះស្លៀកពាក់ទៅតាមពេលវេលា បើកម្មវិធីសម័យ ទើបនាងស្លៀកពាក់បង្ហាញសម្រស់ដើមទ្រូងយ៉ាងសិចស៊ី តែបើកម្មវិធីបុរាណ នាងមិនហ៊ានបង្ហាញឱ្យគេឃើញសាច់ទ្រូង និង គល់ភ្លៅនោះទេ៕
