ភ្នំពេញ: សម្អាងការខាត់ សុឃីម បានកំពុងទួលនូវការគាំទ្រភាគច្រើនគួរសមនៅក្នុងសង្គមសម្រាប់ក្រុមគ្រួសារដែលមានជីវភាពមធ្យម។ មុខរបរអាជីវសម្អាងការ បានកាក់កបគ្រាន់បើហើយនោះ អ្នកនាងខាត់ សុឃីម និងមានផែនការពង្រីកអាជីវកម្ម ចំនួន២ទៀតគឺ បង្កើតក្រុមតន្ត្រីសម័យ ដាក់ឈ្មោះត្រកូល “ខាត់” និងបង្កើតស្ទូឌីយោថតរូប សម្រាប់មុខរបរអនាគតប្តីរបស់នាងគឺ លោក អ៊ិន សូផាណូ។ យោងតាមការបញ្ជាក់ របស់នាង ខាត់ សុឃីម។
អ្នកនាង ខាត់ សុឃីម បាននិយាយនៅក្នុងកិច្ចសម្ភាសន៍ ជាមួយគេហទំព័រ CEN (CAMBODIA EXPREESS NEWS) យ៉ាងនេះថា៖ សម្អាងការរបស់នាង មានការពេញនិយម ជាពិសេសក្នុងចំណោមពលរដ្ឋដែលមានជីវភាព ធុនល្មម ដែលជួលឲ្យទៅសម្តែងក្នុងពិធីអាពាហ៍ពិពាហ៍ របស់ពួកគេ។
អ្នកនាងខាត់សុឃីមបានមានឲ្យដឹងបន្តថា “នៅពេលគេមកយកសម្អាងខ្ញុំ ខ្ញុំទៅច្រៀងនៅក្នុងពិធីកាត់សក់ឲ្យកូនកំលោះ កូនក្រមុំ និងធ្វើពិធីករក្នុង
ពិធីកាត់ផ្លែឈើ ភ្ញៀវសុទ្ធតែចង់បានខ្ញុំ ទៅចូលរួមក្នុងពិធីរបស់គេ។បើខ្ញុំមិនទៅគេមិនសប្បាយចិត្តជាមួយយើងទេ”។
ចំពោះការជួលសម្អាងការ គឺក្រុមការងាររបស់សម្អាងការ ខាត់ សុឃីម ទៅបម្រើសេវាជាក្រុមតែម្តង ដែលមានក្រុមភ្លេងខ្មែរបុរាណ ក្រុមតន្ត្រីសម័យ ទៅជាមួយ ដែលអ្នកខ្លះទទួលលើការងារតុបតែងផ្ទះ ចំណែកលោក អ៊ិន សូផាណូ គូដណ្តឹងរបស់អ្នកនាងនោះ ក៏មានតួនាទីជាអ្នកថតរូបនៅក្នុងពិធីនោះដែរ គឺម្នាក់ៗ មានកាងារធ្វើទាំងអស់គ្នា តាមជំនាញ។
អ្នកនាងខាត់សុឃីមបានបញ្ជាក់ឲ្យដឹងបន្តទៀតថា សម្អាងការរបស់អ្នកនាងគឺទាំងអ្នកសម្តែងនិងអ្នកលេងភ្លេងបុរាណនិងតន្ត្រីសម័យសុទ្ធតែ ជាសមាជិកក្នុងគ្រួសារ ត្រកូល “ខាត់” ទាំងអស់រាប់ទាំងប្អូនថ្លៃ ប្អូនបង្កើត ចេះទាំងអស់គ្នា សូម្បីតែ លោកឪពុក និងអ្នកម្តាយ របស់អ្នកនាង ខាត់ សុឃីម ដែលមានវ័យចាស់ជរាហើយនោះ ក៏ទៅចូលរួមសម្តែង នៅក្នុងតន្រី្តសម័យ របស់សម្អាងការ ខាត់ សុឃីម ដែរ។
ចំពោះតម្លៃឈ្នួលជួល “សម្អាងការ ខាត់ សុឃីម” បើភ្ញៀវជួលចេញទៅសម្រាប់ការធ្វើពិធី នៅតាមបណ្តាខេត្តមានតម្លៃពី៥០០០ ទៅដល់ ៧០០០ ដុល្លារ សហរដ្ឋអាមេរិក ទៅតាមតម្រូវការផ្សេងៗទៀតរបស់ភ្ញៀវនិងក្នុងរាជធានីភ្នំពេញ មានតម្លៃ ២៥០០ដុល្លារ មានទាំងតន្ត្រីសម័យ និងអ្នកនាងច្រៀងនៅពេលកាត់សក់កូនប្រុសកូនស្រីនិងធ្វើពិធីករ នៅពេលកាត់ផ្លែឈើ និងច្រៀងកំដរភ្ញៀវ ពី៣ទៅ៤បទ បន្ថែមទៀត។
តែបើម្ចាស់ពិធីជួលអ្នកនាងឲ្យទៅច្រៀងនៅក្នុងពិធីនោះ ពីម៉ោង៦ល្ងាចទៅដល់ម៉ោង១០យប់ គឺតម្លៃ៥០០ដុល្លារ សហរដ្ឋាអាមេរិក។
អ្នកនាង ខាត់ សុឃីម មានបងប្អូនបង្កើត ចំនួន៩នាក់ (ស្រី៤នាក់ ប្រុស៥នាក់) ដែលសុទ្ធតែជាអ្នកសិល្បៈទាំងអស់គ្នា៕
ដកស្រង់ពី គេហទំព័រ CEN (CAMBODIA EXPREESS NEWS)
Play Now
សម្អាងការខាត់ សុឃីម កំពុងទទួលបានការគាំទ្រ ពីប្រជាពលរដ្ឋ មានជីវភាពមធ្យម
Play Now
