ព្រះសីហនុ: ប៉ូលិសស្រុកព្រៃនប់បាននិយាយថា រថយន្តមួយគ្រឿងរបស់ក្រុមតារាចម្រៀង បានក្រឡាប់ដោយខ្លួនឯង តាំងពីព្រឹកព្រលឹម នៅចំណុចផ្លូវបត់កោង ចន្លោះគីឡូម៉ែត្រលេខ១៧៥-១៧៦ ក្នុងភូមិវាលធំ ឃុំជើងគោ ស្រុកព្រៃនប់ ខេត្តព្រះសីហនុ បណ្តាលឲ្យអ្នកជិះក្នុងរថយន្តចំនួន ៦នាក់ រងរបួសធ្ងន់ស្រាល ត្រូវបានដឹកបញ្ជូនទៅសង្គ្រោះនៅរាជធានីភ្នំពេញភ្លាមៗ។
រថយន្តដែលក្រឡាប់ម៉ាកកាមរី (ឆ្លាម) ពណ៌ខ្មៅ ពាក់ស្លាក ភ្នំពេញ E-8783។
ប៉ូលិសប៉ុស្តិ៍ជើងគោបានប្រាប់ថា ក្នុងចំណោមអ្នករងគ្រោះនោះ គេឃើញមានតារាចម្រៀងវ័យក្មេងម្នាក់ ឈ្មោះ ណាំ ប៊ុណ្ណារ័ត្ន បានរងគ្រោះបាក់ភ្លៅខាងឆ្វេង ក្រៅពីនោះក៏មានស្ត្រីម្នាក់បាក់ឆ្អឹងជំនីរ និង ៤នាក់ទៀតរបួសស្រាល។
ប៉ូលិសសង្ស័យថា ហេតុការណ៍នេះប្រហែលជាបណ្តាលមកពីអ្នកបើកបរងងុយដេក ទើបមិនបានបួងចង្កូតតាមផ្លូវបត់ ធ្វើឲ្យរថយន្តបោះពួយទៅកាវថ្នល់ ហុយដីទាំងព្រឹកយ៉ាងនេះ៕
Play Now
តារាចម្រៀង ណាំ ប៊ុណ្ណារ័ត្ន និងមិត្តភក្តិ៥នាក់ ក្រឡាប់រថយន្តនៅស្រុកព្រៃនប់
Play Now
