លោក Piers Gibbon គឺអ្នកស្រាវជ្រាវ ម្នាក់ដែលមានចិត្ដ មោះមុត ហើយកក៏បាន ធ្វើដំណើរ ផ្សងព្រេង ទៅកាន់ តំបន់មួយរបស់ កុលសម្ព័ន្ធស៊ីសាច់ មនុស្សដ៏ល្បីល្បាញ នៅលើពិភពលោក ។ ការស៊ីសាច់គ្នាឯង គឺជាប្រការមួយ ដែល កើតមានចំពោះ ប្រភេទសត្វ មួយ ចំនួនដូចជា ពីងពាងក្រហម ខ្មៅ សត្វកណ្ដូបសេះ ខ្យាដំរី ។ល។ រីឯមនុស្សក៏ស្ថិត ក្នុងចំណោមនោះដែរ ប្រការនេះបានធ្វើ ឱ្យអ្នក ស្រាវជ្រាវ ត្រូវចំណាយពេលវេលាសិក្សា និងចងក្រងវាឡើង ។
អស់រយៈពេលជាច្រើន ពាន់ឆ្នាំមកហើយ ដែលកុលសម្ព័ន្ធដើម បានធ្លាប់ធ្វើសាច់មនុស្ស ដូចគ្នាជាអាហារ ពិសេសដើម្បី ជប់លៀងនៅ ក្នុងព្រៃជ្រៅ ។ សូម្បីតែនៅអង់គ្លេស ដែលជាប្រទេសស៊ីវីល័យ និងទាន់សម័យ ប៉ុន្ដែគេក៏បានរក ឃើញឆ្អឹងរបស់បុរសម្នាក់ ដែលត្រូវបាន គេយល់ថា បានក្លាយជាអាហារ សំរន់របស់ មនុស្សនៅរូងភ្នំ Gough ស្ថិតក្នុង តំបន់ Cheddar Gorge កាលពីច្រើនសតវត្សមុន ។
លោកបានប្រាប់ថា នៅក្នុងចំណោម កុលសម្ព័ន្ធច្រើន នោះគេឃើញ មានតំបន់កុលសម្ព័ន្ធ ស៊ីសាច់មនុស្សដ៏ ល្បីឈ្មោះនៅក្នុង ប្រទេស Papua New Guinea ដែលលោក Piers Gibbon និងសហការីមួយចំនួន បានចុះទៅស្រាវជ្រាវ ។ ក្រុមដែលល្បីស៊ីសាច់ មនុស្សនោះ គឺ កុលសម្ព័ន្ធ Papua New Guinea ឬហៅថាភូមិ Samo មនុស្សនៅ ទីនោះ គឺមានការលំបាកច្រើន ពួកគេខ្វះខាត ស្បៀងអាហារ គ្មានភ្លើង បំភ្លឺ គ្មានទឹកគ្រប់គ្រាន់ ជីវភាពរបស់ ពួកគេ មិនខុសពីសម័យ បុព្វកាលប៉ុន្មានឡើយ ។ ប៉ុន្ដែ កុលសម្ព័ន្ធ Samo គឺជាជន ជាតិដើមដែលត្រូវ បានគេចាប់អារម្មណ៍ជាងគេ ដោយសារតែទម្លាប់ ស៊ីសាច់មនុស្សដ៏គួរ ឱ្យភ័យខ្លាចរបស់ពួកគេកាលពី សម័យដើម។
បន្ទាប់ពីការទស្សនាភូមិនេះ រួចអ្នកស្រាវជ្រាវ បានចាប់ផ្ដើមនិយាយ ជាមួយលោកតាម្នាក់ ដែលត្រូវបានគេ យល់ថា ជាអ្នកមានអាយុ ច្រើនជាងគេ ក្នុងកុលសម្ព័ន្ធ ស៊ីសាច់មនុស្សដោយ មិនមានការភ័យខ្លាចអ្វីឡើយ ។ លោកតារូប នោះរៀបរាប់ថា កាលពីខ្ញុំនៅតូច ខ្ញុំបានឃើញស្ដ្រីម្នាក់ ត្រូវគេកាត់ សាច់ជាដុំៗដោយ កាំបិតធ្វើពីឫស្សី ហើយខ្ញុំក៏បាន ភ្លក់សាច់មនុស្សនោះដែរ ប៉ុន្ដែក្លិនសាច់មនុស្ស ពិតជាពិបាកទ្រាំណាស់ វាមិនដូចសាច់សត្វដទៃដូចជាជ្រូក ឬ អូទ្រីស នោះទេ ។ នោះគឺជាលើកដំបូងហើយ ក៏ជាលើកចុងក្រោយ ដែលលោកតា បានហូបសាច់មនុស្ស មូលហេតុដែលនាំ ឱ្យស្ដ្រីម្នាក់ នោះត្រូវបានគេ សម្លាប់យកសាច់ស៊ី ព្រោះតែពេលនោះ អ្នកដែល មានអំណាច បំផុតក្នុងភូមិយល់ថា ស្ដ្រីម្នាក់នោះ គឺជាគ្រូធ្មប់ចូលចិត្ដ ដើរធ្វើបាបមនុស្ស ។
ដូច្នេះហើយ ស្ដ្រីដែល មានសំណាងអាក្រក់ម្នាក់នោះ ត្រូវទទួលទោសប្រហារ ជីវិត និងក្លាយជាអាហារ សម្រាប់កុលសម្ព័ន្ធ Samo បរិភោគនាពេល ស្រេកឃ្លាន ។ នៅពេលមានមនុស្ស ម្នាក់ស្លាប់ ស្ដ្រីជាប្រពន្ធ ឬមិត្ដភ័ក្ដរបស់នាង អាចនឹងត្រូវបានគេ ទម្លាក់កំហុស ហើយប្រាកដណាស់ ពួកគេនឹងទៅជួបស្ដេច យមរាជ ចំណែករាងកាយ របស់ពួកគេក៏ នឹងត្រូវចំអិន ជាអាហារសម្រាប់កុលសម្ព័ន្ធ ។ ឆ្អឹងមនុស្សនៃ យុគសម័យខ្មៅ ងងឹតរបស់ Papua New Guinea នៅតែត្រូវបានកូនចៅនៃ កុលសម្ព័ន្ធនេះ រក្សាទុកនៅខ្ពង់រាប ជុំវិញតំបន់ Goroka រហូតមកទល់ នឹងពេលនេះ ៕
