ពួកអ្នកជំនួញរុស្ស៊ីដែលមានទ្រព្យធនបានរកឃើញវិធីថ្មីមួយដើម្បីគេចពីការស្ទះចរាចរណ៍នៅក្រុងមូស្គូ ដោយពួកគេជួលរថយន្តពេទ្យជិះ។
ចរាចរណ៍នៅក្នុងរដ្ឋធានីរុស្ស៊ីនេះល្បីខាងអាក្រក់ ដោយសារយានយន្តមានចំនួនច្រើន ជាពិសេសក្នុងពេលមន្ត្រីធំៗធ្វើដំណើរតាមក្បួនរថយន្ត។
សូម្បីតែប្រធានាធិបតី ពូទីន ក៏រអ៊ូរអំពីការស្ទះចរាចរណ៍នេះហើយលោកបានជ្រើសធ្វើការងារចេញពីគេហដ្ឋានរបស់លោកជារឿយៗ នៅពេលនាយករដ្ឋមន្ត្រីដីមីទ្រី មេតវេដេវ បានប្រើឧទ្ធម្ភាគចក្រ ជាញឹកញយផងដែរ។
របាយការណ៍និយាយថាពួកអ្នកជំនួញបានជួលរថយន្តពេទ្យដែលខាងក្នុងបំពាក់គ្រឿងបរិក្ខាប្រណិតនិងសឺរែនបើកផ្លូវដើម្បីជិះទៅចូលរួមប្រជុំនានាទាន់ពេល។ការធ្វើដំណើរបែបនេះត្រូវគេនិយាយថាត្រូវចំណាយ១២០ផោនក្នុងមួយម៉ោង។
ប្រភពប៉ូលិសបាននិយាយថា"ប៉ូលិសបានបើករថយន្តដើម្បីឆែកមើលនិងបានរកឃើញថាក្នុងរថយន្តត្រូវបានបំពាក់ដោយកៅអីដ៏ផាសុខភាពសំរាប់ដឹកអ្នកដំណើរពិសេស។នៅខាងក្នុងមិនមានបុគ្គលិកពេទ្យទេ និងមានបុរសខ្លះដែលស្លៀកពាក់ស៊ីវិល"៕
ដកស្រង់ ពី ស៊ីអីអិន
