ក្រៅពីនេះ ក្នុងទឹកសណ្តែក មានសារធាតុប្រឆាំងនឹងរ៉ាឌីកាល់សេរី អ៊ីសូហ្វាវ៉ុនស៍ (Isoflavones)ក្នុងបរិមាណខ្ពស់ ដល់សារធាតុអាហារនវមានគុណសម្បត្តិជួយបំប៉នឆ្អឹង និងការជួយពន្យារវ័យចាស់។ ការស្រាវជ្រាវមួយ ស្តីអំពីអាហារ និងសារធាតុអាហារ ( Molecular Nutrition Food Research) កាលពីឆ្នាំ 2010 កន្លងមកនេះ បានរកឃើញថា សារធាតុអ៊ីសូហ្វាវ៉ុនស៍ពីសណ្តែកសៀង មានគុណសម្បត្តិការពារ និងប្រឆាំងកោសិកាមហារីក ជាពិសេស ក្នុងក្រុមមហារីកសុដន់ រួមទាំងមហារីកក្រពេញប្រូស្តាតផងដែរ ដោយសារទឹកសណ្តែក មានសារធាតុប្រឆាំង នឹងរ៉ាឌីកាល់សេរី និងវីតាមិន E រួមទាំងគុណសម្បត្តិដែលពោលខាងលើ ទើបចាត់ទុកថាអាច ប្រឆាំងនឹងជំងឺមហារីក បានដែរ។
ចំណែកសារធាតុហ្វៃតុអេស្រ្តូចេន (Fitoestrogen) ដែលជាសារធាតុមានរចនាសម្ព័ន្ធស្រដៀងនឹងអ័រម៉ូនភេទស្រី្ត ឬអ័រម៉ូនអេស្រ្តូចេន ជួយបន្ថយអាការវ័យអស់រដូវរបស់ស្រ្តី ក្នុងទឹកសណ្តែង មានតួនាទីការពារការជំរុញមហារីកសុដន់ បានទៀតផង។
ដួច្នេះ អាចនិយាយបានថា បើទទួលទានទឹកសណ្តែក 1ថ្ងៃ 2កែវរាល់ថ្ងៃបាន និងជួយឲ្យរាងកាយរឹងមាំល្អ ពីខាងក្នុង និងអាចជួយការពារ និងប្រឆាំងកោសិកាមហារីក ជាពិសេស ក្នុងក្រុមហារីកសុដន់ និងមហារីកក្រពេញប្រស្តាត។ ចំពោះទារកដែលមានប្រតិកម្មចំពោះ ទឹកដោះគោ ក៏អាចបរិភោគទឹកសណ្តែកជាជំនួស ក្នុងបរិមាណសមស្រប៕
