លោក ប៉ូ រ៉េត ពោលទាំងញញឹមថា រស់ នៅជាមួយប្រពន្ធដើម អាយុចាស់ជាងដល់ទៅ ១០ឆ្នាំ ចង់មិនចង់នៅពេលឃើញនាងប្អូនថ្លៃ មេម៉ាយថ្មីៗ សាច់នៅទ្រលុកទ្រលន់សខ្ចីមិន ចាញ់ស្រីក្រមុំ ហើយមានវ័យស្របាលៗគ្នាផង នោះ ប្រាកដជានឹកចង់ផ្លាស់ប្តូរភ្លក់របស់ថ្មីជាក់ ជាមិនខាន ។ ពិតណាស់“ស្រមោចនៅក្បែរ ស្ករមេមាន់ពងលើជង្រុកស្រូវ” រឿងអីមិនស៊ីគឺ ពិបាកហ្នឹងបន្ទោសណាស់ ។ ដូចគ្នានេះដែរ ការ លួចសម្លឹងសម្លក់ស្ទើរតែស្រក់ទឹកមាត់ក៏បាន ដុតរោលឱ្យប្អូនថ្លៃដែលលែងប្តីប្រើកន្ទុយភ្នែក ដើមភ្នែក ឱ្យឫកពាជាសញ្ញាបើកភ្លើងខៀវ តែម្តងទៅ ។ នាពេលមួយនៅពេលដែលភរិយា រវល់ទៅបុណ្យគេឯចុងភូមិ ជាឱកាសហុចឱ្យរួម ទាំងតណ្ហាដុតរោលផងនោះ ខ្ញុំចូលទៅលួងលោម ប្រលោមសុំស្នេហ៍ប្អូនថ្លៃគឺបានដូចបំណងមែន គឺនាងឥតមានប្រកែកមួយម៉ាត់ឡើយ ។ ពួក យើងបានលេងល្បែងស្នេហាលួចលាក់របៀបឆ្មា លួចស៊ីត្រីអាំងផ្តល់សេចក្តីសុខដល់គ្នាទៅវិញទៅ មកអស់រយៈពេលជាង២ឆ្នាំ ទើបប្រពន្ធដើមដឹង ខណៈដែលនាងបានទាន់ឃើញពួកយើងទាំងពីរ នាក់កំពុងជិះសេះលែងដៃជាមួយគ្នានៅលើគ្រែ ។ ពិតជាគ្មានភ្លើងអ្វីឆេះសន្ធោសន្ធៅ និងក្តៅជាង ភ្លើងប្រចណ្ឌឡើយ គឺគ្រានោះប្រពន្ធរបស់ខ្ញុំបាន ខឹងច្រឡោតខ្លាំងណាស់ បើទោះជាខ្ញុំព្យាយាម តាមអង្វរលន់តួយ៉ាងណាក៏នាងមិនព្រមស្តាប់ដែរ ដឹងតែទាមទារលែងលះគ្នា និងបណ្តេញខ្ញុំ និងប្អូន របស់នាងឱ្យចុះចេញពីផ្ទះតែមួយមុខប៉ុណ្ណោះ ។លោក ប៉ូ រ៉េត បានបន្តថា នៅលើលោក នេះគ្មានកិច្ចការអ្វីដែលមិនអាចដោះស្រាយបាន ឡើយ ហើយមិនខុសអ្វីទៅហ្នឹងសុភាសិតបុរាណ បានពោលថា“ក្រោយភ្លៀងមេឃស្រឡះ”នោះ! ។ ដោយអស់ជម្រើសទាល់តម្រិះពេក ខ្ញុំក៏នឹកដល់ វិធីចុងក្រោយគឺមន្តស្នេហ៍សារិកាដែលធ្លាប់បាន រៀនចេះចាំកាលបួសជាសង្ឃ ។ ពិតជាឆុតមែន បញ្ចោញមន្តគាថាតែប៉ុន្មានក្បាច់សោះបន្ទន់ចិត្ត ប្រពន្ធរហូតបានសម្រេច ។ នាងយល់ព្រមឱ្យខ្ញុំ ទទួលយកប្អូនថ្លៃធ្វើប្រពន្ធរួមសុខទុក្ខជាមួយគ្នា ក្រោមដំបូលតែមួយយ៉ាងសុខសាន្តតាំងពីឆ្នាំ ២០០២ រហូតមកដល់សព្វថ្ងៃនេះ ។
លោក ប៉ូ រ៉េត ប្រាប់ថា កាលពីដំបូង ប្រពន្ធទាំងពីរដែលជាបងប្អូនបង្កើតហ្នឹងគ្នានេះ ក៏មិនសូវចុះសម្រុងគ្នាដែរ តែងមានរឿងរកាំ រកូសប្រចណ្ឌច្រណែនគ្នាជានិច្ច ។ ប៉ុន្តែដោយ ឃើញមិនសូវស្រួល ខ្ញុំក៏ចេះតែប្រើស្នេហ៍បន្ទន់ ចិត្តឱ្យពួកគេត្រូវរ៉ូវយល់ចិត្តលែងឈ្លោះប្រកែក គ្នា រស់នៅយ៉ាងរីករាយទៅ ។ សព្វថ្ងៃខ្ញុំមានកូន ចំនួន២នាក់ គឺប្រពន្ធដើមកូន១ និងប្រពន្ធទីពីរ កូន១ដែរ ។ ពួកយើងមិនត្រឹមតែនៅផ្ទះជាមួយ គ្នាទេ សូម្បីតែដេកក៏រួមគ្នាមុងមួយ៣នាក់ដែរ។
អ្នកស្រី ជៀម ស៊ីម ជាភរិយាដើមបាន និយាយប្រាប់ថា កាលពីមុនខ្ញុំពិតជាមានកំហឹង ខ្លាំងណាស់ ហើយក៏ខ្មាសគេស្ទើរតែមិនហ៊ាន ចេញក្រៅផ្ទះឡើយ ។ ប៉ុន្តែបន្ទាប់ពីលើកយកកម្ម ផលមកដាក់ក្នុងចិត្តទើបលែងឈឺចាប់ ព្រោះ ទាំងនេះប្រហែលជាកម្មពៀរហើយ ទើបបានជា ជួបរឿងដូច្នេះ ហើយក៏លែងខ្វល់អំពីសម្តីញាតិ ជិតខាងចំអកពេបជ្រាយដែរ ឱ្យតែគ្រួសារខ្ញុំមាន សុភមង្គលទៅបានហើយ ។
ចំណែកឯអ្នកស្រី ជៀម សៀង ជាប្រពន្ធ ទី២បាននិយាយថា កាលពីដំបូងឡើយខ្ញុំពិតជា មិនមានបំណងដណ្តើមប្តីបងស្រី ធ្វើឱ្យបងស្រី ឈឺចាប់នោះទេ តែនោះប្រហែលជាកម្មពៀរ ហើយ ព្រោះគ្រាន់តែឃើញមុខប្តីដែលកាល ណោះត្រូវជាបងថ្លៃភ្លាមគឺបាក់ចិត្តស្រឡាញ់ដក ចិត្តមិនរួចទៅហើយទើបជ្រុលជ្រួសលេងល្បែង ឆ្មាលាក់ក្រចកកំបាំងពីមុខបងស្រីរហូតដល់បង មកទាន់! ៕
