ស្ត្រីម្នាក់ត្រូវបានក្រុមពន្លត់អគ្គិភ័យជួយសង្គ្រោះទាន់ពេលនៅជាន់ទី១ក្នុងផ្ទះរបស់នាង ក្រោយពីផ្ទះនាងត្រូវភ្លើងឆាបឆេះដែលបណ្តាលមកប្រដាប់កៀបសក់ ដែលនាងប្រើ ហើយមិនបានបិទ។ មូលហេតុដែលបណ្តាលអោយកើតមានអគ្គិភ័យនេះគឺ ដោយសារតែនាងរងគ្រោះនោះបានប្រើប្រដាប់កៀបសក់ហើយមិនបានបិទវា រួចទុកវាចោលនៅលើឥដ្ឋធ្វើពីឈើ ទើបវាបណ្តាលអោយកើតមានអគ្គិភ័យតែម្តង។ ប្រដាប់កៀបសក់គឺជាឧបករណ៍ដ៏ពេញនិយមបំផុតក្នុងសហរដ្ឋអាមេរិក ហើយកំដៅរបស់វាអាចកើនឡើងរហូតដល់២០០អង្សារឯណោះ។ ដោយសារតែកំដៅដ៏ក្តៅនេះទើបវាអាចធ្វើអោយឥដ្ឋឈើនោះឆាបឆេះបាន ដូច្នេះប្រសិនបើយើងប្រើប្រាស់ប្រដាប់កៀបសក់ហើយ យើងគួរតែបិទវា និងទុកអោយឆ្ងាយពីរបស់ដែលងាយនឹងឆាបឆេះ។ នេះគឺជាមេរៀនមួយសំរាប់អ្នកដែលចូលចិត្តប្រើប្រាស់ប្រដាប់កៀបសក់។
