តារាស៊ិចសញ្ជាតិកាណាដាដើមកំណើតឥណ្ឌាម្នាក់បានចាប់ផ្តើមការថតរបស់នាងឲ្យក្រុមហ៊ុនភាពយន្តបូលីវូដកាលពីពីថ្ងៃសុក្រ នៅក្នុងអ្វីដែលត្រូវបានរំពឹងថាជាភាពយន្តមួយក្នុងចំណោមភាពយន្តស៊ិចដែលគួរឲ្យចាប់អារម្មណ៍បំផុតរបស់ប្រទេសឥណ្ឌា ដែលកំពុងធ្វើឲ្យមានការភ្ញាក់ផ្អើលរួចមកហើយនៅក្នុងប្រទេសអភិរក្សស៊ិចនេះ។
នាង សាន់នី ឡេអូន (Sunny Leone) ដែលបានកើតនៅក្នុងប្រទេសកាណាដា ពីឪពុកម្តាយជនជាតិឥណ្ឌា សម្តែងជាតួស៊ិចស្រីម្នាក់នៅក្នុងភាពយន្តភាសាហ៊ីនឌីរឿង "Jism 2" (រាងកាយភាគ២)។
ទីភ្នាក់ងារព័ត៌មាន Press Trust of India បានរាយការណ៍ថា អភិបាលក្រុងមុំបៃ លោក ស៊ូនីល ប្រាបហ៊ូ (Sunil Prabhu) បានបញ្ជាឲ្យមានការដកចេញបដាផ្សាយពាណិជ្ជកម្មពីរថយន្តក្រុងសាធារណៈនៅក្នុងរដ្ឋធានីរបស់ប្រទេសឥណ្ឌា បន្ទាប់ពីនិតីបុគ្គលតំបន់ម្នាក់បានតវ៉ាថារូបភាពដែលត្រូវបានប្រើប្រាស់នេះមានលក្ខណៈអាសគ្រាម។
ការផ្សាយពាណិជ្ជកម្មនេះបានបង្ហាញរូបស្រីស្រាតម្នាក់ដែលកំពុងគេងផ្អែកនៅក្រោមក្រណាត់សើមស្តើងមួយយ៉ាងគួឲ្យដាស់អារម្មណ៍ផ្លូវភេទ ថ្វីបើអ្នកបង្ហាញម៉ូតនោះមិនមែនជានាង ឡេអូនេ ដែលមានអាយុ៣១ឆ្នាំក្តី។
កាលពីដើមសប្តាហ៍នេះ ក្រុមអ្នកប្រឆាំងតវ៉ានៅក្នុងទីក្រុងអាមរីតសា (Amritsar) បានដុតរូបរបស់នាង ឡេអូនេ ដោយជះកំហឹងដាក់ភាពអាសអាភាសនៃភាពយន្តនេះ ខណៈដែលអ្នកស្រុកនៃទីក្រុងវ៉ារ៉ាណាស៊ីដែលគោរពសាសនា ត្រូវបានរាយការណ៍ថាបានស្នើឲ្យតុលាការដាក់បទបញ្ជាម៉ឺងម៉ាត់ទៅលើភាពយន្តនេះ។
នាង ឡេអូន បានប្រាប់ប៉ុស្ត៍ទូរទស្សន៍កម្សាន្ត Star World ថា នាងត្រូវតែសម្របខ្លួនទៅតាមតម្រូវការនៃភាពយន្តស៊ិចនិងនាដសាស្ត្របន្ថែមទៀត ជាពិសេសសម្រាក់ឈុតស្នេហា។
ដោយយោងទៅតាមអត្ថបទសំណេរថតចម្លងដែលបានបញ្ចេញឲ្យសារព័ត៌បានមានឲ្យដឹងថា នាងបានប្រាប់អ្នកធ្វើបទសម្ភាសន៍ឈ្មោះ អានូប៉ាម៉ា ចូប្រា ថា "វាស្មុគស្មាញខ្លាំងណាស់។ នៅក្នុងពិភពរបស់ខ្ញុំ គឺជាការចាប់ផ្តើមបង្ហាញជូនភាពយន្តនិងដើរទៅមុខ"។
តារាស៊ិចដែលឈ្នះពានរង្វាន់នៅក្នុងសហរដ្ឋអាមេរិករូបនេះ បានសាងកេរិ៍្តឈ្មោះរបស់ខ្លួននៅក្នុងប្រទេសឥណ្ឌា នៅក្នុងកម្មវិធីទូរទស្សន៍ Bigg Boss កាលពីឆ្នាំមុន និងបានប្រកាសអំពីចំណូលចិត្តរបស់នាងបន្ទាប់ពីការសម្តែងភាពយន្ត។
និយាយទៅកាន់គេហទំព័រ Bollywood Hungama នាងបាននិយាយថា ផលិតកម្មជាភាសាហ៊ីនឌីដំបូងរបស់នាង គឺមិនមានលក្ខណៈផ្តេសផ្តាសតាមធម្យោបាយណាមួយឡើយ។
នាងបាននិយាយថា "ចា៎ ! ការឃោសនាអាចនឹងត្រូវបានផ្តល់ការបង្ហាញភាពយន្តសម្បូរឈុតស៊ិច ប៉ុន្តែវាគឺជាផ្នែកនៃភាពយន្តរន្ធត់។ សូមរង់ចាំមើលរឿងភ្ញាក់ផ្អើលមួយចំនួន"៕
Play Now
តារាស៊ិចបង្កើតឲ្យមានការជ្រួលជ្រើមនៅក្នុងការចាប់ផ្តើមថតឲ្យក្រុមហ៊ុនភាពយន្តបូលីវូដ
Play Now
