ពេទ្យសត្វអានតុន លីម បីឆ្កែអាយុ២ឆ្នាំ ក្នុងអំឡុងពេលធ្វើសន្និសីទកាសែតនៅក្រុងម៉ានីលកាលពីថ្ងៃសៅរ៍
ពេទ្យសត្វហ្វីលីពីន លោកអានតុន លីម ដែលបានរួមដំណើរជាមួយឆ្កែឈ្មោះ កាបាង បាននិយាយថា ឆ្កែដែលច្រមុះនិងចង្ការរបស់វាត្រូវបានកាត់ដាច់ បានទទួលការព្យាបាលនៅមន្ទីរពេទ្យសត្វនៃសកលវិទ្យាល័យកាលីហ្វ័រញ៉ាអស់ពេល៧ខែដោយអស់ប្រាក់២៧.០០០ដុល្លារពីប្រាក់ដែលរៃអង្គាសបានទាំងនៅហ្វីលីពីននិងបរទេស។
កាបាង បានទទួលរងរបួសកាលពីខែធ្នូឆ្នាំ២០១១នៅពេលវាលោតចូលផ្លូវទោចក្រយានយន្ត ដើម្បីរារាំងកុំអោយទោចក្រយានយន្តមួយកិនលើកូនស្រីរបស់ម្ចាស់ផ្ទះនិងក្មួយស្រីនៅក្រុងហ្សាំបូអាហ្កាភាគខាងត្បូង។
ពួកគ្រូពេទ្យនៅមន្ទីរពេទ្យរបស់សកលវិទ្យាល័យបានវះកាត់ដើម្បីធ្វើអោយជារបួសរបស់វា តែទោះជាយ៉ាងណាពួកគេមិនអាចតភ្ជាប់ច្រមុះនិងចង្ការរបស់វាបានទេ៕
ប្រភព ស៊ីអីអិន
