ប្រភពព័ត៌មានពីកន្លែងកើតហេតុបានឲ្យដឹងថាបុរសដែលរងគ្រោះខាងលើនេះមានឈ្មោះ ចិត្រ អាយុ២៦ឆ្នាំជាបុគ្គលិកបម្រើការងារនៅក្នុងក្រុមហ៊ុនមួយ។ ប្រភពដដែលបានបន្តឲ្យដឹងទៀតថា មុនពេលកើតហេតុគេបានឃើញរថយន្តម៉ាកកាមរីឆ្លាម ពណ៌ស ពាក់ស្លាកលេខភ្នំពេញ 2D 5388 បានមកឈប់នៅចំណុចកើតហេតុខាងលើ។ហើយមួយសន្ទុះក្រោយមកក៏បានឃើញបុរសម្នាក់បានចុះពីលើរថយន្តរួចបានធ្វើសកម្មភាពដុតរថយន្តនោះបណ្តាលឆេះសន្ឋោសន្ឋៅ ហើយរត់គេចខ្លួនបាត់ ។
ខណៈឃើញហេតុការណ៍ដូច្នេះ ប្រជាពលរដ្ឋក៏បាននាំគ្នាដងទឹកមកជួយពន្លត់លុះពេលបើកទ្វាររថយន្តស្រាប់តែឃើញជនរងគ្រោះបានដេកក្នុងរថយន្តស្លាប់បាត់ទៅហើយ។ភ្លាមៗនោះប្រជាពលរដ្ឋក៏បានធ្វើការទំនាក់ទំនងទៅកាន់សមត្ថកិច្ចមូលដ្ឋានដើម្បីចុះមកធ្វើការត្រួតពិនិត្យ។
បច្ចុប្បន្នសមត្ថកិច្ចនៅមិនទាន់អាចសន្និដ្ឋានបានថានេះជាករណីប្លន់ ឬក៏យ៉ាងណានោះទេប៉ុន្តែសមត្ថកិច្ចកំពុងធ្វើការស្រាវជ្រាវយ៉ាងញាប់ដៃញាប់ជើង ដើម្បីតាមចាប់ជនបង្កមកផ្តន្ទាទោសទៅតាមផ្លូវច្បាប់៕
