ក្រុងឈីកាហ្គោៈ ក្មេងប្រុសរោលរាលដោយកាមតណ្ហាម្នាក់ត្រូវប៉ូលិសចាប់ឃាត់ខ្លួន ព្រោះបើកបរលើសល្បឿនដល់ទៅ១៧៩គីឡូម៉ែត្រក្នុងមួយម៉ោង ខណៈដែលតំបន់នោះមានកម្រិតល្បឿនត្រឹមតែ៧២គីឡូម៉ែត្រតែប៉ុណ្ណោះ ក្នុងមួយម៉ោង។ យោងតាមប៉ូលិសល្បាតនៅតំបន់នោះ ជនជាប់ចោទបានយកលេស ខ្លួនល្មើសនឹងច្បាប់ចរាចរណ៍ដោយសារតែប្រញាប់ទៅរួមរ័កជាមួយ មិត្តស្រី ដែលនៅរង់ចាំខ្លួន។
ហ្សាឆារី រ៉ាមីរ៉េ វ័យ ២១ រស់នៅតំបន់ណាភឺវីល ចម្ងាយ ៣២ គីឡូម៉ែត្រពីទីក្រុងឈីកាហ្គោ ត្រូវប៉ូលិសឃាត់ខ្លួនពីបទបើកបរហួសល្បឿនកំណត់កាលពីចុងសប្ដាហ៍ ។ ក្រេក ប៊ែល ប៉ូលិសល្បាតនៅទីនោះបានថ្លែងទាំងហួសចិត្តថា បើកបរលឿនព្រោះតែរហន់ទៅរួមរ័កនោះ គឺជាហេតុផលដ៏គួរឲ្យអស់សំណើច ដែលលោកកម្រនឹងឮណាស់៕
- ប្រភព ភ្នំពេញប៉ុស្តិ៍
