ភ្នំពេញ: តារាស្រីនិយមភាពសិចស៊ីខាងបញ្ចេញដើមទ្រូង កញ្ញា សាន
សុម៉ាលី មួយរយៈនេះ គេឃើញឧស្សាហ៍លេងបណ្តាញសង្គមហ្វេសប៊ុក
ដូចជាបង្ហោះរូបថតជាច្រើន ក្រោយមកទៀត ថ្មីៗនេះ ក៏បានបែកធ្លាយថា
នាងត្រូវបានបុរសម្នាក់ដែលនិយមហ្វេសប៊ុកដែរ បានជេរប្រមាថនាងថា
“យកសិល្បៈធ្វើជាឈ្នាន់ឈានទៅរកភាពល្បីល្បាញ
និងហ៊ឺហាតាមផ្លូវកាត់”។
ការជេរប្រមាថរបស់បុរសម្នាក់ដែលនិយមហ្វេសប៊ុកនោះ
បានធ្វើឲ្យតារាស្រីរូបស្រស់សោភា កញ្ញា សាន សុម៉ាលី ឆេះដុំភ្លាមៗ
ដោយតបមិនសំចៃមាត់
ដោយបានសរសេរជាភាសាខ្មែរបង្ហោះនៅលើបណ្តាញទំនាក់ទំនងសង្គមហ្វេស
ប៊ុករបស់នាងថា “សួរថា បុរសម្នាក់នេះ
មានសិទ្ធិអីមោរនិយាយគេចឹងគេជាអ្នកសិល្បៈ
មែនខ្ញុំមិនមែនមនុស្ស ចឹងទេអ្នកអែងគ្មានសិទ្ធិ អីមកនិយាយ
អ្នកសិល្បៈចឹងទេ ? អ្នកអែងមិនចូលចិត្តគេ កុំថាឲ្យរូបគេ?
ខ្ញុំមិនដែលស្គាល់មនុស្ស ដូចអ្នកអែង មនុស្សឈ្លើយ សង្គមមិន
អោយតម្លៃមនុស្ស … ឈប់មកនិយាយចឹងទៀត …?? “។
កញ្ញា សាន សុម៉ាលី បានបញ្ចេញយោបល់ និងប្រាប់ទៅដល់ Friend
របស់នាងនៅក្នុងនោះថា មូលហេតុដែលធ្វើឲ្យនាងប្រើពាក្យសំដីបែបនេះ
ដោយសារតែបុរសម្នាក់នោះបានជេរប្រទេចនាងដោយសំដីមិនសមរម្យ
មកលើមនុស្សស្រីជាន់ឈ្លីកិត្តិយសគេ ដោយវាយតម្លៃថា អ្នកសិល្បៈមិនល្អ
ថាគេអាក្រក់គ្រប់បែបយ៉ាង ហើយបើឃើញគេមានអ្វី ដែលល្អតែងតែលើកឡើងថា
គេបានមកតាមផ្លូវកាត់។
គួរបញ្ជាក់ថា កញ្ញា សាន សុម៉ាលី មិនដែលមានរឿងបែបនេះនោះទេ
ដែលកន្លងមក គេមិនធ្លាប់ឃើញនាង បង្កបញ្ហាឈ្លោះប្រកែកជាមួយអ្នកណាឡើយ
ទើបតែពេលនេះ
គេឃើញនាងបង្ហាញពីការផ្ទុះកំហឹងជាមួយបុរសម្នាក់នោះ៕
see more at : http://www.cen.com.kh
