គួររំលឹកដែរថាអ្នកមេម៉ាយវ័យ៣០ ឆ្នាំ ស្វែង សុជាតា បានភ្ជាប់ទំនាក់ទំនង ស្នេហ៍ជាមួយប្រុសកំពូលស្នេហ៍ជាបុរស ពោះម៉ាយដែល មានងារជាមន្ដ្រីនគរ បាលក្រសួងមហាផ្ទៃ មានឋានៈជាអនុ សេនីយ៍ឯក ឈ្មោះ គង់ សុផារ៉ា អាយុ៣៨ ឆ្នាំអស់រយៈពេលជាច្រើន ខែមកហើយ។ ចំណងស្នេហ៍ផ្អែមល្ហែមដែលនាងបាន អះអាងថា ផ្អែមដូចទឹកឃ្មុំខែចេត្រ ប៉ុន្ដែ បែរជាល្វីងជូរចត់ ក្រោយពេលដែល លោកគង់ សុផារ៉ា ដាក់ពាក្យប្ដឹង និង ទម្លាយលើបណ្ដាញទំនាក់ទំនងសង្គម Facebook ថា នាងនិយាយកុហករូបលោក និងបាន លួចយកទ្រព្យសម្បត្ដិមាន តម្លៃមួយចំនួនក្នុងផ្ទះរបស់លោក ។ ក្រោយការទម្លាយរឿងរ៉ាវដ៏ចម្រូងចម្រាស នឹងបានចុះផ្សាយលើ សារព័ត៌មាននោះ ស្វែង សុជាតា បានឆេះដុំដេកមិនលក់បក់ មិនល្ហើយ និងទម្លាយរឿងរ៉ាវរំលូតកូន ដែលជាឈាមរួមគ្នាជាមួយលោក គង់ សុផារ៉ា ហើយនាងបាននឹងកំពុងព្រួយ បារម្ភពីសុវត្ថិភាពផ្ទាល់ខ្លួនខ្លាចក្រែង មានការយាយីដល់អាយុជីវិតនោះ ។
លោក គង់ សុផារ៉ា បានចោទប្រកាន់ ថា អ្នកនាង ស្វែង សុជាតា និយាយកុហករូបលោក និងបានលួចយកទ្រព្យសម្បត្ដិ មួយចំនួន ក្នុងផ្ទះរបស់លោកដែលមាន តម្លៃរាប់ពាន់ដុល្លារទៀតផង។ លោកបានលើកឡើងដោយសម្ដីធ្ងន់ៗថា អ្នកនាង ស្វែង សុជាតា សម្រេចចិត្ដមករួម រស់ជាមួយលោក គឺគ្រាន់តែសម្លឹងឃើញ ថាលោកជាអ្នកមានទ្រព្យស្ដុកស្ដម្ភ មានលុយកាក់ច្រើនតែប៉ុណ្ណោះ ។ មនោសញ្ចេតនាស្នេហាពិតប្រាកដគ្មានទេ។
ជាក់ស្ដែងក្នុងអំឡុងពេលលោក និងអ្នកនាង ស្វែង សុជាតា សេពគប់គ្នា គឺការចំណាយផ្សេងៗ គឺជាបន្ទុករបស់លោកទាំងអស់ ក្នុង នោះមានដូចជាដំណើរ កម្សាន្ដផ្អែមល្ហែមនៅវៀតណាមមុននេះ ជាដើម ហើយរបស់របរប្រើប្រាស់មាន តម្លៃរបស់នាងមួយចំនួនក៏ជា ការចំណាយ របស់លោកទាំងស្រុងផងដែរ។ លោក ក៏បានដាក់ពាក្យប្ដឹងចោទប្រកាន់អ្នក នាងស្វែង សុជាតា រួចរាល់ហើយ រង់ចាំ តែការកោះហៅរបស់តុលាការតែប៉ុណ្ណោះ ដែលនឹងត្រូវធ្វើឡើងនាពេលឆាប់ៗនេះ។ ប៉ុន្ដែលោកលើកឡើងដែរថានឹងដកពាក្យ បណ្ដឹង ភ្លាមប្រសិនបើអ្នកនាង ស្វែង សុជាតា ព្រមបន្ទន់កាយឈប់ចង់យក ឈ្នះរូបលោក និងប្រគល់ឯកសារសំខាន់ៗ មួយចំនួនរបស់លោក ដូចជា អត្ដសញ្ញាណ ប័ណ្ណ សំបុត្រកំណើត លិខិតលែងលះ រវាងលោក និងភរិយាមុន ព្រមទាំង Hard Disk ដែលផ្ទុកឯកសារ សំខាន់ៗ ពាក់ព័ន្ធជាមួយការងាររបស់លោកនៅ ក្នុងក្រសួងមហាផ្ទៃ។ លោកមិនមាន បំណងទាមទារមកវិញនូវរបស់មាន តម្លៃមួយ ចំនួនដែលមានតម្លៃសុទ្ធតែ រាប់ពាន់ដុល្លារនោះទេ ព្រោះលោកធ្លាប់ មានការស្រលាញ់ស្មោះចំពោះរូបនាង និងមានការអាណិតអាសូរ ជាទីបំផុត និង មិនដែលគិតថា រឿងបែបនេះកើតមាន ចំពោះខ្លួនឡើយ ។
ឆ្លើយតបទៅនឹងការចោទប្រកាន់នេះ ស្វែង សុជាតា បានច្រានចោលការចោទ របស់លោកគង់ សុផារ៉ា ហើយនាងក៏បាន បកអាក្រាត ទៅលោកគង់ សុផារ៉ា វិញ ថា នឹងដឹកដៃលោក សុផារ៉ា ឡើងតុលា ការដើម្បីស្វែងរកភាពស្អាតស្អំរបស់ នាងមកវិញ។ នាងបញ្ជាក់ថា នាងនឹងធ្វើ តាមច្បាប់ ព្រោះនាងជាមាសសុទ្ធអត់ ខ្លាចភ្លើងទេ ហើយនាងអះអាងដែរថា នាងមានសាក្សីទាំងអស់ហើយនាងក៏រក មេធាវីរួចហើយដែរ បើលោកគង់ សុផារ៉ា ចិត្ដសឿងចេញមុខមកតទល់ចំពោះមុខច្បាប់ កុំរត់គេច ហើយមកវាយប្រហារនាងតាមប្រព័ន្ធ វេបសាយអ៊ីចឹងមិនល្អទេ ធ្វើអ្វីគួរចេះទទួលខុសត្រូវ ។
នាងបន្ដទៀតថាក្រោយពេលកើត ហេតុចោរចូលគាស់ផ្ទះនាងនៅរង់ចាំ លោកគង់ សុផារ៉ា ដើម្បីដោះស្រាយ ប៉ុន្ដែលោកគង់ សុផារ៉ា គេចមុខពីនាង ក្រោយពេលមានមិត្ដភក្កិនាងបានឃើញ លោកគង់សុផារ៉ាបណ្ដើរស្រីនៅផ្សារ សូរិយា។ នាងបានចោទទៅលោកគង់ សុផារ៉ាវិញថា ជាអ្នកលេងល្បិចចង់ដោះ ដៃពីនាងហើយប្រើល្បិចលួចយកទ្រព្យ សម្បត្ដិដោយខ្លួនឯងប្រើល្បិចចោទថា នាងនាំចោរ ចូលផ្ទះ កាលពីថ្ងៃយប់ថ្ងៃទី ២២ សីហា ដែលការចោទប្រកាន់បែបនេះនាងអត់បានដឹងរឿងអ្វីសោះ ។
នាងបានសម្រេចចិត្ដប្ដឹងបកវិញដោយ គ្មានក្ដីអាឡោះអាល័យជាមួយនឹងការ សម្រេចចិត្ដយកកូនក្នុងផ្ទៃដែលមានវ័យ មិនទាន់បាន ៤ខែផងនោះ។ ជាមួយគ្នា នេះនាងព្រួយបារម្ភពីសុវត្ថិភាពផ្ទាល់ខ្លួន ខណៈដែលនាងលើកឡើងថា លោក គង់ សុផារ៉ា ជាមនុស្សកាច សាហាវ។ ទោះ ជាយ៉ាងណាគេនៅតែរង់ចាំមើលនៅឡើយ ថាតើដំណោះស្រាយរវាងអ្នកមេម៉ាយ និងបុរសពោះម៉ាយមួយគូនេះនឹង ឈានដល់ចំណុចណា ? ៕
ប្រភព: សារព័ត៌មាន នគរវត្ត
