នំពេញ: ទីបំផុតទៅ បើទោះបីជាចង់លាក់បាំង និងនិយាយដោះសារយ៉ាងណាក៏ដោយ ការពិតបានសរបញ្ជាក់ឲ្យឃើញថា តារាចម្រៀងពូកែស្រែក ឆាយ វីរៈយុទ្ធ គឺពិតជាបានចូលខ្លួននៅក្រោមទ្រនំថ្មី ដែលជាផលិតកម្មសាន់ដេ។
ជាក់ស្ដែង នៅថ្ងៃទី២៨ ខែកក្កដា ឆ្នាំ២០១២នេះ គេបានឃើញលោក ឆាយ វីរៈយុទ្ធ ចូលរួមក្នុងពិធីក្រុងពាលីថតរឿងថ្មី ដែលមានចំណងជើងថា “វិញ្ញាណបិសាចជញ្ជក់ឈាម” ហើយខ្សែភាពយន្ដនេះផងដែរ ត្រូវបានគេដឹងថា នឹងមានការចំណាយថវិកាជាច្រើន និងចេញទៅថតនៅក្រៅប្រទេសផងដែរ។
តាមលោក ឡាយ សុខចំរើន អ្នកគ្រប់គ្រងនៅផលិតកម្មសាន់ដេ បានឲ្យដឹងថា “ការចំណាយជំហានដំបូង គឺយ៉ាងហោចណាស់ពី ៣០ ទៅ ៤០ ម៉ឺនដុល្លារអាមេរិក ព្រោះអីរឿងនេះត្រូវចំណាយលើតារាចិនហុងកុងមួយចំនួន ហើយត្រូវទៅថតដល់ហុងកុងតែម្ដង”។
សូមជម្រាបថា នេះជាខ្សែភាពទីពីរហើយ របស់ផលិតកម្មសាន់ដេ ដែលបានថតនៅក្រៅប្រទេស បន្ទាប់ពីរឿង “ព្រាយដែកគោល” មានតួឯកសម្ដែងដោយលោក ខេមរៈ សិរីមន្ត និងកញ្ញា សុខ ពិសី ដែលបានថតនៅប្រទេសសិង្ហបុរី៕
Source : cen
Play Now
ឆាយ វីរៈយុទ្ធ ចូលទ្រនំថ្មី ស្របពេលដែលសានដេថតរឿងថ្មី
Play Now
