សារព័ត៌មានបរទេស ផ្សាយឱ្យដឹងថា មជ្ឈដ្ឋានប្រកួតបវរកញ្ញារបស់អ៊ីតាលី បានបង្កើតលក្ខណៈដ៏ចម្លែកមួយ ក្រោយពីគណ:កម្មការ រៀបចំការប្រកួតបវរកញ្ញា បានប្រកាសហាមអ្នកចូលប្រកួតស្លៀកពាក់ឈុតប៊ីគីនី ក្នុង បំណងបង្កើនក្រមសីលធម៌ដល់ការប្រកួត ដោយ សង្កត់ធ្ងន់ទៅលើសម្រស់ផ្នែកខាងក្រៅ និងខាងក្នុងមានសារ សំខាន់ដូចគ្នា។ សម្រាប់ឈុតប្រកួតនឹងយកលំនាំតាមឈុតក្នុងឆ្នាំ១៩៥០ គឺជាយុគសម័យប្រវត្តិសាស្ត្រ របស់ស្ត្រីអ៊ីតាលី ដែលទទួលការគោរពដ៏ខ្ពង់ខ្ពស់រហូតដល់ពេលបច្ចុប្បន្ន ។
គណៈកម្មការរៀបចំការប្រកួតបវរកញ្ញាអ៊ីតាលី ឱ្យដឹងថា «ឈុតនៃការតុបតែងកាយរបស់យើងនឹងផ្តោតជាសំខាន់ទៅលើសម្រស់ស្ត្រី ភេទ និងពីមួយឆ្នាំទៅមួយឆ្នាំយើងបានច្នៃប្រឌិតឈុតជាមិត្តនឹងបរិស្ថាន ដើម្បីឱ្យអ្នកចូលរួមប្រកួតមានចំណែកជួយទ្រទ្រង់ដល់បរិស្ថាន » ។
ក្រៅពីនេះគណ:កម្មការរៀបចំបវរកញ្ញាអ៊ីតាលីថែមទាំងយកលំនាំតាមយុគសម័យមុនដោយអញ្ជើញលោកស្រីថារ៉ា គន្ធី ជាចៅរបស់ លោកមហាត្មៈ គន្ធី ចូលរួមជាតំណាងពិសេស នៅក្នុងគណ:កម្មការ ព្រោះលោកស្រីជាមនុស្សដែលយល់ច្បាស់ពីភាពស្រស់ស្អាតទៅ តាមវ័យ និងជាអ្នកត្រួសត្រាយផ្លូវ រួមទាំងយល់ពីតួនាទីនោះ ៕
Play Now
អ៊ីតាលី ហាមមិនឱ្យស្លៀកពាក់ប៊ីគីនី ក្នុងការប្រកួតបវរកញ្ញា
8/27/2012 02:22:00 PM
តារាបរទេស
Play Now
