មូលហេតុមួយដែលធ្វើឲ្យការលាងជាតិពុលជារឿងពិបាក គឺដោយសារតែត្រូវបង្អត់អាហារ ទទួលទានតែបន្លែ រយៈពេល ៣-៥ថ្ងៃ ទម្រាំតែដល់គោលដៅ អ្នកធ្វើការបន្សាបជាតិពុលនោះ ស្ទើរតែគ្មានកម្លាំងកំហែងក្នុងខ្លួន ប៉ុន្តែវិធីលាងជាតិពុលខាងក្រោមនេះ មិនធ្វើឲ្យអ្នកហត់នឿយ ឬធ្វើបាបខ្លួនឯងបែបនឹងឡើយ។
១-ដាក់តាំងដើមបណ្តូលពេជ្រលើតុ
កុំព្យូទ័រនិងបញ្ចេញកាំរស្មីអេឡិចត្រូម៉ាញ៉េទិករហូត ជាហេតុធ្វើឲ្យអ្នកអង្គុយធ្វើការមុខអេក្រង់កុំព្យូទ័រយូរៗច្រើនតែអស់កម្លាំង រហិតរហៃ ឬឈឺក្បាល ពីព្រោះរាងកាយបានស្រូបយកជាតិពុល ប៉ុន្តែយើងអាចគេចចេញពីកាំរស្មីនេះបាន ដោយដាក់ដើមបណ្តូលពេជ្រក្បែរតុកុំព្យូទ័រ ពីព្រោះថា រុក្ខជាតិនេះ បឺតស្រូបយកកាំរស្មីផ្សេងៗ។
២-ផឹកទឹកសម្អាតថ្លើម
អ្នកធ្វើការយ៉ាងហោចណាស់ផឹកកាហ្វេមួយកែវ ក្នុងមួយថ្ងៃ ឬអ្នកខ្លះអាចផឹកច្រើនជាងនឹងទៅទៀត។ អ្នកត្រូវដឹងថា ជាតិកាហ្វេអ៊ីន ដែលបានមកពីការផឹកកាហ្វេ នឹងត្រូវប្រមូលផ្តុំទុកនៅក្នុងថ្លើម ធ្វើឲ្យថ្លើមត្រូវធ្វើការធ្ងន់ជាងធម្មតា ជះឥទ្ធិពលនាំឲ្យកើតភាពតានតឹងក្នុងអារម្មណ៍រហូត។ ដូច្នេះប្រសិនបើអ្នកចង់ធ្វើការបន្សាបជាតិពុលនេះ អ្នកត្រូវឈប់ផឹកកាហ្វេ ហើយប្តូរមកផឹកទឹកក្តៅឧណ្ហៗ ដាក់ទឹកក្រូចឆ្មារស្រស់ៗកន្លះផ្លែវិញ។ វិធីនេះ នឹងជួយលាងជាតិពុលចេញពីថ្លើម ធ្វើឲ្យចង្វាក់បេះដូងលោតបានល្អធម្មតា ហើយប្រព័ន្ធរំលាយអាហារក៏នឹងធ្វើការបានល្អដែរ។
៣-ចៀសវាងអាហារម៉ៃក្រូវ៉េវ
ទោះបីជាម៉ៃក្រូវ៉េវ បានបម្រើឲ្យជីវិតរស់នៅរបស់មនុស្ស មានលក្ខណៈងាយស្រួល ប៉ុន្តែកាំរស្មីម៉ៃក្រូវ៉េវ ដែលជាប់នៅតាមអាហារជាដើមចមបង្កជាតិពុលមួយ។ បើរាងកាយយើងបានទទួលសារជាតិនេះជាប់ៗគ្នា ក៏អាចបង្កបញ្ហាដល់ប្រព័ន្ធចរន្តឈាម។ ការបន្សាបជាតិពុលពីម៉ៃក្រូវ៉េវក្រៅពីត្រូវផឹក“តែបៃតង” ឬតែខ្មៅចាស់ មួយថ្ងៃមួយកែវហើយនោះ ក្រោយពីកម្តៅអាហារពីម៉ៃក្រូវ៉េវរួច យើងត្រូវទុកចោលប្រមាណ ២-៣ នាទី ឲ្យកាំរស្មីម៉ៃក្រូវ៉េវ ថយឥទ្ធិពលសិន មុននឹងយកមកទទួលទាន ដើម្បីកុំឲ្យរាងកាយទទួលជាតិពុល។
៤-ប្តូរមុខម្ហូបអាហារពេលព្រឹក
តាមធម្មតាយើងទទួលទានអាហារ ប្រភេទសាច់សត្វពេញមួយថ្ងៃស្រាប់ហើយ ដូចនេះហើយអាហារពេលព្រឹកដែលជាអាហារដំបូងនៃថ្ងៃថ្មី គួរតែប្តូរទៅទទួលទានអាហារប្រភេទបន្លែវិញល្អជាង ពីព្រោះរាងកាយទើបតែភ្ញាក់ឡើងពីការសម្រាកយ៉ាងពេញទី វាអំណោយផលក្នុងការបឺតស្រូបសារជាតិអាហារ។ បើយើងទទួលទានសាច់សត្វ ដែលពោរពេញទៅដោយសារជាតិកម្លាំងធំ និងសារជាតិបង្កមហារីក ពេលនោះរាងកាយក៏នឹងបឺតស្រូបជាតិពុលច្រើនជាងពេលធម្មតាៗទៅទៀត។
៥-ប្រើកែវជំនួសដបប្លាស្ទិក
អ្នកខ្លះចូលចិត្តច្រកទឹកស្អាតដាក់ក្នុងដបប្លាស្ទិកយកតាមខ្លួនទុកផឹកដោយភ្លេចគិតថា ទោះបីជាទឹកស្អាត ប៉ុន្តែដបប្លាស្ទិកដែលយើងប្តូរទឹកមកច្រើនដង ច្បាស់ជាមានកករ និងវត្ថុកខ្វក់ដែលលិចទៅក្រោមប្រមូលផ្តុំគ្នានៅបាតដប ជាហេតុអាចបង្កឲ្យអ្នកកើតរោគរលាកពោះវៀន។ ដូច្នេះ យកល្អគួរតែជ្រើសរើសផឹកទឹកពីកែវដែលលាងស្អាតជាការល្អជាង ពីព្រោះយ៉ាងណាៗ យើងក៏ឧស្សាហ៍លាងកែវ និងលាងបានដល់បាតកែវទៀតផង៕
Play Now
វិធី៥យ៉ាងដើម្បីបន្សាបជាតិពុលក្នុងរាងកាយដោយមិនធ្វើបាបខ្លួនឯង
8/08/2012 08:40:00 AM
សុខភាព និង សម្រស់
Play Now
