នាយ​ចាប​ចៀន ចង់​បង្កើត សមាគម ជួយ​អ្នកក្រ​

ភ្នំពេញ: ​លោក​ចាប​ចៀន ​បាន​និយាយថា លោក​មានបំណង​បង្កើត​សមាគម​មួយដើម្បី​ជួយ​ដល់​អ្នកក្រីក្រកម្ពុជា ដូចជា​ពេល​មាន​ទឹកជំនន់ ឬ គ្រោះមហន្តរាយ​ណាមួយកើតមានឡើង​។​

​លោក​បាន​ប្រាប់​សារព័ត៌មាន CEN ថា លោក​មានបំណង​ចូលរួម​ជួយ​ដល់​សង្គម​តាម​សមត្ថភាព​របស់លោក​។
​លោក “​អ៊ុក សុវណ្ណ​រិ​ទ្ធ​” ហៅ​នាយ “​ចាប ចៀន​” បាន​និយាយថា ដូចជា​សព្វថ្ងៃនេះ​ក៏មាន​សមាគម​សិល្បៈ​ដែរ​។ ប៉ុន្តែ វា​ធំ​ពេក​។ លោក​ចង់​បំបែក​ឲ្យ​ទៅជា​តូច​វិញ​ទៅ​ថ្ងៃក្រោយ​ទៀត​។

​គាត់​បាន​បញ្ជាក់ថា “​ខ្លាច​គ្នាច្រើន​អន្សម​ខ្លោច ហើយ​ច្រើនតែ​ប្រចាំ​គ្នា។ ដូច្នេះ​បាន​ខ្ញុំ​ចង់​ចែកជា​ក្រុម​តូច​វិញ​។ ឧទាហរណ៍​ថា ​ក្រុម​ខ្ញុំ​មាន​​គ្នា​៥០​នាក់ ដោយ​ម្នាក់​យក​១​ដុល្លារ​ក្នុង​មួយខែ បើសិន​ជាមាន​១០០​នាក់​ក្នុង​១​ខែ​ក៏មាន​១០០​ដុល្លារ​ដែរ​។ ហើយ​ខ្ញុំចង់​ឲ្យ​ធ្វើការផ្នែក​តូចៗ​អ៊ីចឹង​បាន​សង្គម​រីកចម្រើន និង​ដោះស្រាយ​សង្គម​ធំ​មួយ​បាន​ទៅរួច តែ​ទាំងនេះ​ជា​គំនិត​របស់ខ្ញុំ​ទេ ​មិនដឹងថាធ្វើបានដូច​ចិត្ត ឬ​យ៉ាងណា​នៅឡើយ​ទេ​”​។​

​ជាមួយនឹង​ពិសោធន៍​យូរ​ឆ្នាំ​ លោក​ក៏មាន​គោលបំណងចង់​បណ្តុះបណ្តាលកូនក្មួយ ជំនាន់​ក្រោយៗដែល​ស្រឡាញ់អាជីពដូចជា​លោក ផង​​ដែរ​៕​

See more at: http://cen.com.kh/localnews/show_detail/23?token=ZGNhOTE4ZDVlZTU4NjZjNjM1NjA1ZjNjYzk3ZDQ2#sthash.zd7mksla.dpuf

សូមជួយផ្តល់មតិ និងចែករំលែក