កា​តុ ចេញទៅ​សម្តែង​នៅ​អាមេរិក នាឱកាស​ចូលឆ្នាំ​ខែ្មរ

ភ្នំពេញ: តារា​កំប្លែង សុខ ច័ន្ទ​ធីតា ហៅ កា​តុ នឹង​ឈាន​ជើង​ជាន់​ទឹកដី​អាមេរិក ជា​លើកដំបូង ក្នុង​ដំណើរ​ទៅ​សំដែង ដើម្បី​ប្រារព្ធ​ពិធីបុណ្យ​ចូលឆ្នាំ​ប្រពៃណីជាតិ​។ ដោយ​ទទួល​កេរ្តិ៍ឈ្មោះ​ល្បីល្បាញ​ខ្លាំង ក្នុងនាម​ជាតា​រា​កំប្លែង ពិសេស​ក្នុង​ឆ្នាំ​២០១២​នេះ​ទើប​ធ្វើ​ឲ្យ​បងប្អូន​ដែល​រស់នៅ​ក្រៅប្រទេស ចង់ឃើញ ចង់​ស្គាល់​តារា​កំប្លែង ដែលមាន​វោហា​ស័ព្ទ​រអិល ដូច​ខ្លាញ់​រូបនេះ​។​

នៅ​ថ្ងៃទី​២ ខែមេសា ខាងមុខនេះ តារា​កំប្លែង ដែល​មិន​សំចៃ​សំដី កា​តុ​នឹង​ចេញទៅ​សម្តែង​នៅ​អាមេរិក រយៈពេល ៣ ខែ​។ បើតាម​គម្រោង អ្នកនាង នឹង​ត្រឡប់មក​មាតុប្រទេស​វិញ នៅក្នុង​អំឡុង​ខែកក្កដា​។

​ដំណើរ​ចេញទៅ​សម្ដែង​នៅ​អាមេរិក នា​ថ្ងៃទី​២ ខែមេសា ខាងមុខនេះ កា​តុ នឹង​ទៅជា​មួយ​តារា​សម្តែង​សាច់​សខ្ចី តូច​ច្រឡឹង កែវ និសា​។ កន្លងមក សុខ ចាន់​ធីតា ហៅ កា​តុ ធ្លាប់​ចេញទៅ​សម្តែង​នៅ​ប្រទេស​អូ​ស្រា្ត​លី និង​ប្រទេស​ជប៉ុន​។

សូមជួយផ្តល់មតិ និងចែករំលែក