លោក ខៀវ វណ្ណស៊ី អធិការរងស្រុក សង្កែបានឱ្យដឹងថា ជនសង្ស័យមាន ឈ្មោះពុំ ចន្ធី ហៅថី ភេទប្រុស អាយុ ៣៣ឆ្នាំ ជាម្ចាស់ផ្ទះរត់បាត់មានទីលំនៅ ក្នុងភូមិកើតហេតុ ។ ជនរងគ្រោះស្លាប់ មានឈ្មោះ ញ៉ែម សីហា ភេទប្រុស អាយុ៣៣ឆ្នាំ មុខរបររត់ម៉ូតូឌុបមាន ទីលំនៅភូមិឥដ្ឋសង្កាត់ព្រែកព្រះស្ដេច ក្រុងនិងខេត្ដបាត់ដំបង ។
សាក្សីបានប្រាប់សមត្ថកិច្ចថា មុនពេលកើតហេតុម្ចាស់ផ្ទះបានទូរស័ព្ទហៅ ញ៉ែម សីហា និងប្អូនថ្លៃទៅស៊ីផឹកនៅ ផ្ទះពេលឈ្មោះញ៉ែមសីហានិងប្អូនថ្លៃមកដល់កន្លែងផ្ទះកើតហេតុបានទិញស្រាបៀរ ១កេសមកជាមួយផង។ពេលនោះក្រុមម្ចាស់ផ្ទះអង្គុយផឹកមិនមានគ្រឿងក្លែម ទេ ហើយឈ្មោះសីហាក៏ចូលអង្គុយរួច និយាយថាហៅមកផឹកស៊ីគ្មានកែវគ្មានចានគ្មានគ្រឿងក្លែមសោះក៏ត្រដរហៅ មកដែរ ។ ខណៈនោះម្ចាស់ផ្ទះក៏ងើប ចេញពីកន្លែងផឹកមួយភ្លែតប្រហែល៣នាទីក្រោយមកក៏ត្រឡប់មកវិញលើក ពូថៅកាប់ក្បាលឈ្មោះសីហាខាងឆ្វេង បណ្ដាលឱ្យផុងលលាដ៏បែកឈាមពេញ វង់ស៊ីផឹក។ ភ្លាមនោះអ្នកភូមិរួមទាំង អ្នកផឹកស៊ីក្នុងវង់ជាមួយបានដឹកជនរង គ្រោះយកទៅសង្គ្រោះនៅមន្ទីរពេទ្យក្រោយ ពីគ្រូពេទ្យបានដេរហើយជនរងគ្រោះបានដាច់ខ្យល់ស្លាប់តែម្ដង ។
លោក ខៀវ វណ្ណស៊ី អធិការរងបាន បញ្ជាក់ថា ត្រូវបានក្រុមគ្រួសារៀបចំ ធ្វើបុណ្យនៅវត្ដកំផែងតាមប្រពៃណី ។ ចំណែកជនសង្ស័យសមត្ថកិច្ចតាមស្វែងរកចាប់ខ្លួនយកមកផ្ដន្ទាទោសតាមផ្លូវ ច្បាប់ ៕
Source : norkorwat
