.png)
ប្រភពព័ត៌មានពីសមត្ថកិច្ចបានឱ្យ ដឹងថា បុរសវ័យចំណាស់នោះមានឈ្មោះ ប៉ែន ចាន់តារា អាយុ៥០ឆ្នាំ ជានាយ ទាហាន ស្នាក់នៅផ្ទះលេខ៣៥ ផ្លូវលេខ ២១៥ សង្កាត់ផ្សារដេប៉ូទី៣ ខណ្ឌទួលគោក ។ មុនពេលកើតហេតុបុរសវ័យចំណាស់ ខាងលើនេះបានជិះម៉ូតូម៉ាកសេ១២៥ ពណ៌ខ្មៅ ឌុបស្រីក្មេងម្នាក់ មានវ័យជាង ២០ឆ្នាំ តាមផ្លូវឧកញ៉ាទេពផនពីកើត ទៅលិចទំនងជាទៅរកកន្លែងឡើងឋាន សួគ៌ ។ លុះមកដល់ស្ដុបទីក្រុងបៃតងបាន បត់ឆ្វេងតាមផ្លូវលេខ២៦១ ហើយបាន ទៅបុកម៉ូតូគុបជ្រុងពណ៌ស្លែ បើកបរក្នុង ទិសដៅបញ្ច្រាសទិសគ្នាតាមផ្លូវលេខ ១៨២ បណ្ដាលឱ្យអ្នកបើកម៉ូតូគុបជ្រុង រងរបួសធ្ងន់ត្រូវរថយន្ដសង្គ្រោះដឹកយក ទៅព្យាបាលនៅគ្លីនិកឯកជន ។
ក្រោយពេលកើតហេតុជនរងគ្រោះ បានទូរស័ព្ទប្រាប់ប្រពន្ធថា មានគ្រោះ ថ្នាក់ចរាចរនៅចំណុចខាងលើ ។ ខណៈ ស្ដ្រីជាប្រពន្ធមកដល់ភ្លាមមិនបានដឹង ថាបុរសជាប្ដីឌុបស្រីក្មេងទេ ប៉ុន្ដែមាន អ្នកឃើញហេតុការណ៍ប្រាប់ថា អម្បាញ់ មិញបុរសវ័យចំណាស់ម្នាក់នេះឌុបស្រី
ក្មេងម្នាក់មកជាមួយធ្វើឱ្យស្ដ្រីជាប្រពន្ធ ខឹងពេកទប់កំហឹងមិនបានទះកំផ្លៀង បុរសជាប្ដីមួយដៃ ខណៈកំពុងមានឈាម ហូរជោកថ្ងាស ប៉ុន្ដែត្រូវសមត្ថកិច្ចឃាត់ កុំឱ្យប្រើអំពើហិង្សាតាមផ្លូវសាធារណៈ ។
ប្រភពព័ត៌មានបានឱ្យដឹងទៀតថា រហូតដល់ព្រឹកថ្ងៃទី២៨ ខែមីនា ឆ្នាំ ២០១៣ ដោយដឹងថាខ្លួនមានកំហុស បុរសវ័យចំណាស់រូបនេះសុខចិត្ដសង ជនរងគ្រោះចំនួន៣០០ដុល្លារដើម្បី បញ្ចប់រឿង ។ ប៉ុន្ដែអ្វីដែលធ្វើឱ្យគេហួស ចិត្ដ និងនឹកស្មានមិនដល់នោះ គឺគ្រោះ ថ្នាក់ចរាចរនេះធ្វើឱ្យបុរសវ័យចំណាស់ ខាតបង់ប្រាក់៣០០ដុល្លារ, ខូចខាតម៉ូតូ, របួសបែកថ្ងាស, ត្រូវមួយកំផ្លៀងរបស់ប្រពន្ធ ៕
.png)
ដកស្រង់ពី នគរវត្ត
