វីដេអូមួយដែលចែកចាយលើបណ្ដាញសង្គមហ្វេសប៊ុកថៃមួយឈ្មោះ THAI HERO បានបង្ហាញ ពីស្ត្រីបរទេសម្នាក់ឈរបង្កើតកូនខ្លួនឯងនៅផ្ទះតែម្ដង។ ក្នុងវីដេអូដែលមានរយៈពេល ១នាទី ១១ វិនាទី បង្ហោះកាលពីថ្ងៃទី ២៧ ខែ មិនា ២០១៣ វេលាម៉ោង ២:០៩ នាទីនេះ មិនបានបញ្ជាក់ពីមូលហេតុដែលនាំឲ្យស្ត្រីជាម្ដាយសម្រេចចិត្តយ៉ាងដូច្នេះទេ។
បើតាមខ្សែវីដេអូស្ត្រីជាម្ដាយបានឈរបង្កើតកូនដោយមានក្រដាសទ្រាប់នៅពីក្រោម និងមានអ្នកកាន់កាមេរ៉ាចាំថត ដែលនេះហាក់បញ្ជាក់ថា មិនមែនស្ត្រីរូបនោះឈឺពោះទៅមន្ទីរពេទ្យមិនទាន់នោះទេ ប៉ុន្តែគឺជាការត្រៀមបង្កើតកូនដោយខ្លួនឯងតែម្ដង។
ទោះបីជាមិនទៅពេទ្យស្វែងរកការបង្កើតកូនតាមបែបបច្ចេកទេសយ៉ាងណាក្ដី ស្ត្រីតាំងចិត្តកើតកូនដោយខ្លួនឯង មិនត្រូវការឆ្មប គ្រែពូកខ្នើយ គឺឈរសម្រាលកូនតែម្ដង។ យ៉ាងណាក៏ដោយស្ត្រី រូបនេះ ឆ្លងទន្លេដោយជោគជ័យ មិនបានជួបគ្រោះថ្នាក់អ្វីទេ។
