សម្រាប់ស្រុកខ្មែរយើងវិញ លោកតា Hugh Hefner ដែលគេស្គាល់គ្រប់គ្នាថា ជាចាងហ្វាងទស្សនាវដ្តីអាស អាភាស Play Boy អាចល្មមចាត់ទុកជាចាស់ស្ទាវ ឬចាស់ទំនើងបានហើយ ដោយសារគាត់ធ្លាប់មាន សម្ព័ន្ធភាពផ្លូវភេទជាមួយនារីជាង១ពាន់នាក់ឯណោះ ក្នុងមួយជិវិតរបស់គាត់នេះ។
វាពិតជាគួរឲ្យភ្ញាក់ផ្អើលណាស់ ដែលលោកតាចាស់ តែមានមន្តស្នេហ៍ និងជាចាងហ្វាងទស្សនាវដ្តី Play Boy រូបនេះ បានឆ្លើយតបនឹងសំនួរ៖ “ថាតើអាចរាប់បានទេ រហូតមកដល់ពេលនេះ មាននារីប៉ុន្មាននាក់ហើយ ដែលបានដំណេកជាមួយលោក?” ក្នុងបទសម្ភាសន៍មួយជាមួយទស្សនារដ្តីមួយ។
លោកតាបានបញ្ជាក់ថា៖ “វាអាចមានលើសពី១ពាន់នាក់។ ខ្ញុំប្រាកដថា វាមានប៉ុណ្ណឹងមែន”។
លោកតា Hefner បានបន្តថា គាត់ពិតជាមានចិត្តសប្បាយ និងមានមោទនភាពចំពោះការរួមដំណេកជាមួយនារីជាច្រើននាក់នាពេលកន្លងមក។ ទោះបីជាគាត់ធ្លាប់បានឆ្លងកាត់នារីជាច្រើននាក់ក៏ដោយ ប៉ុន្តែគាត់មិនដែលបោកប្រាស់ ឬកុហកប្រពន្ធរបស់គាត់ឡើយ។
បច្ចុប្បន្ននេះ លោកតា Hugh Hefnerមានវ័យជ្រេចូល៨៦ឆ្នាំហើយ ប៉ុន្តែធ្លាប់បានរៀបការចំនួន៣ដងឯណោះ ដោយភរិយាចុងក្រោយរបស់លោក គឺនាង Crystal Harris ដែលមានអាយុត្រឹមតែ២៦ឆ្នាំប៉ុណ្ណោះ៕
