ជីវិតរបស់អ្នកជំនួញជប៉ុន គឺជាជីវិតមួយដ៏មមាញឹកបំផុត។ អាកប្បកិរិយាប្រញាប់ប្រញាល់ជានិច្ចនេះ បាននាំឲ្យមានការលំបាកទីពីរមួយផ្សេងទៀត ដែលនោះប្រហែលជាហេតុផលដែលក្រុមហ៊ុន Niban Too Corporation ដែលមានមូលដ្ឋាននៅប្រទេសជប៉ុន បានច្នៃប្រឌិតឡើងនូវកាតាបយួរដៃ ដែលមិនត្រឹមតែអាចផ្ទុកឯកសារសំខាន់ៗសព្វបែបយ៉ាងប៉ុណ្ណោះទេ ប៉ុន្តែថែមទាំងអាចផ្ទុកកាកសំណល់ប្រចាំថ្ងៃរបស់អ្នកផងដែរ។
កាតាបយួរដៃ Gotta Go Briefcase គឺជាការច្នៃប្រឌិតថ្មីមួយ ដែលត្រូវបានរចនាឡើងឲ្យមានគុណសម្បត្តិអតិបរមា នៅក្នុងពិភពមុខជំនួញជប៉ុនដែលមានការមមាញឹកបំផុត។ ដោយត្រូវបានផលិតឡើងពីស្បែក Mahogany និងថាសបង្គន់ដែកដែលមិនច្រែះចាប់នោះ ការច្នៃប្រឌិតដែលសន្សំពេលវេលានេះ រួមមានក្រដាសជូតដៃមួយដុំ ដែលអាចនឹងត្រូវបានលាក់ពីក្រោមទ្រនាប់របស់វា ដែលបន្ស៊ីគ្នានិងបន្ទះដាច់តែឯងនៅផ្នែកម្ខាងទៀត។
គ្រឿងបន្ថែមរួមមានប្រដាប់ទ្រពែង ប្រដាប់លាងសម្អាតដៃ និងកញ្ចក់ឆ្លុះមុខមួយ ពីព្រោះការតុបតែងខ្លួនមានសារៈសំខាន់ណាស់ នៅពេលដែលអ្នកកំពុងធ្វើមុខជំនួញ នៅតាមទីកន្លែងសាធារណៈ។ កម្រិតអតិបរមាដែលទ្រទម្ងន់កាតាបយួរនេះ គឺ៧៩,៤៥គីឡូក្រាម ដូច្នេះពួកអ្នកជំនួញជប៉ុន ប្រហែលជានៅតែចង់ប្រើប្រាស់បង្គន់សាធារណៈ ដើម្បីការពារបង្គន់ដែលអាចយកតាមខ្លួននេះពីការបែកបាក់ និងការធ្វើឲ្យកខ្វក់អ្វីៗផ្សេងទៀត៕
Source : cen
