ឆ្កែឈ្មោះបេស(Bes) រកបានឋានៈជាសត្វចិញ្ចឹមដែលមានទេពកោសល្យបំផុតរបស់ប្រទេសអូស្ត្រាលី ដោយយកឈ្នះលើឆ្កែដែលចូលរួមផ្សេងៗជាង៦៣០ក្បាល នៅក្នុងការប្រកួតប្រជែងតាមប្រព័ន្ធអនឡាញដែលគេដាក់ឈ្មោះថា PETstock Pet Tricks។
ម្ចាស់ឈ្មោះ លី ម៉ារីយ៉ុត បានប្រាប់វេបសាយ news.com.au លោកបានចំណាយពេលត្រឹមតែកន្លះម៉ោងប៉ុណ្ណោះ ដើម្បីបង្រៀន បេស ពីវិធីពាំកំប៉ុងស្រាបៀរមកឲ្យគាត់។
"ដំបូងខ្ញុំបានបង្រៀន បេស ពីរបៀបពាំកំប៉ុងនិងដបឡើង បន្ទាប់មកបានបង្ហាញឆ្កែញីនេះពីទីតាំងដែលកំប៉ុងនិងដបស្ថិតនៅក្នុងទូរទឹកកក ហើយបង្គាប់ឲ្យវាបើកទូរទឹកកកនិងពាំរបស់របរមកឲ្យ"។
"នោះគឺជារឿងធម្មតាទេ ដែលវាអាចពាំយកមកឲ្យនូវអ្វីៗផ្សេងទៀត ដែលរួមមានទាំងឧបករណ៍បញ្ជាទូរទស្សន៍ទៀតផង !"៕
Source : cen
