ពួកអ្នកបម្រើស្រីបានស្លៀកពាក់ឯកសណ្ឋានដើរទៅមកដូចជាខ្មោចឆៅ និងធ្វើឲ្យក្តីស្រមៃរបស់អ្នកចូលចិត្តរឿងនិទានរៀបរាប់តាមរយៈរូបភាពក្លាយជាការពិត។
ប៉ុន្តែសូមចាំបន្តិចសិន ព្រោះមានអ្វីមួយចម្លែកនៅនឹងដៃរបស់ពួកគេ។ សរសៃឈាមពណ៌ខៀវហាក់ដូចជាលៀនចេញក្រៅ ហើយសាច់របស់ពួកគេមើលទៅដូចជារលួយ។
ពិនិត្យមើលផ្ទៃមុខរបស់ពួកគេ អ្នកអាចមើលឃើញថ្ពាល់ដែលហូរឈាម និងសាច់រលួយដាច់ចេញពីថ្ងាសរបស់ពួកគេ។
មុនពេលដែលអ្នកត្រឡប់ក្រោយនិងរត់ចេញតាមទ្វារ សូមកំភ្លេចថា នេះគឺគ្រាន់តែជាព្រឹត្តិការណ៍ប្រចាំឆ្នាំមួយនៅឯហាងអាហារ Schatzkiste ប៉ុណ្ណោះ។
នៅក្នុងឆ្នាំទីបីរបស់ខ្លួន "ស្រីបម្រើខ្មោច" (Maid of the Dead) គឺជាព្រឹត្តិការណ៍មួយនៃពិធីបុណ្យ Halloween ដែលត្រូវបានរៀបចំដោយហាង Schatzkiste ដែលជាភោជនីយដ្ឋានបែបវប្បធម៌មួយរបស់សង្កាត់អាគីហាបារ៉ា នៅក្នុងទីក្រុងតូក្យូ ប្រទេសជប៉ុន។
អំឡុងពេលបីថ្ងៃនៃព្រឹត្តិការណ៍នេះ ពួកអ្នកបម្រើស្រីត្រូវបានចម្លងនូវវីរុសមួយ ដែលប្រែក្លាយពួកគេទៅជាខ្មោចឆៅបន្តិចម្តងៗ ដោយការធ្វើឲ្យរាងកាយរលួយរលេះរាល់ថ្ងៃ។ភ្ញៀវទាំងឡាយត្រូវបានណែនាំមិនឲ្យប៉ះពាល់ពួកអ្នកបម្រើខ្មោចឆៅទាំងនេះទេ។
ហាងអាហារនេះក៏មានរៀបដាក់សៀវភៅរាយមុខម្ហូបគួរឲ្យខ្លាច ដែលត្រូវបានរំលឹកដោយភាពយន្តខ្មោចឆៅផងដែរ។
"ទុកឲ្យខ្មោចដែលដេកសម្រាក" (Let Sleeping Corpses Lie) គឺជាមុខម្ហូបមួយដែលគេដាក់ស៊ុតចៀនពីលើបាយជាមួយនឹងសាច់ក្រក ដែលគេតុបតែងជា "ម្រាមដៃខ្មោច" ដែលកំពុងព្យាយាមរុកចេញពីដី៕
