ក្រោយពីចេញច្រៀងជាប់ៗគ្នាពីថ្ងៃនេះមក ឈិត សុជាតា មានការឈឺចាប់ និងកើតផ្តាសាយធំដែលបណ្តាលមកពីខ្ទង់ច្រមុះសិប្បនិម្មិតនោះឯង។
ជាតឹកតាង កញ្ញា មុខស្រស់ និងមានរាងសិចស៊ីរូបនេះ បានបញ្ញាក់ប្រាប់ថា “ទោះបីជាខ្ញុំឈឺព្រោះផ្តាសាយ តែខ្ញុំរីករាយ ដែលបាន បម្រើ ទស្សនិកជន នៅក្នុងអាជីពនេះ។ ខ្ញុំមិនទាន់ទៅជួបជាមួយគ្រួពេទ្យជំនាញ ដើម្បីពិភាក្សាអំពីការដកខ្ទង់ច្រមុះសិប្បនិម្មិតនេះចេញនៅឡើយទេ ដោយការងារមមារញឹកពេក។ ម្យ៉ាងទៀតខ្ញុំផ្តាសាយជាប់រហូត រកធ្វើអី្វក៏មិនកើតសោះ” នេះបើយោងតាម ទស្សនាវដ្តី ប្រជាប្រិយ បានឲ្យដឹងយ៉ាងដូច្នេះ។
ប្រភពដដែល បានបន្តឲ្យដឹងទៀតថា សុជាតា បានបញ្ញាក់ប្រាប់ថា ដោយសារមួយរយៈពេលនេះអាកាសធាតុប្រែប្រួល ទើបធ្វើឲ្យនាងផ្តាសាយ ធម្មតាពេលផ្តាសាយតែងតែធ្វើឲ្យឈឺខ្ទង់ច្រមុះខ្លះ។ តែនាងពុំបានដឹងច្បាស់ថាផ្តាសាយនេះបណ្តាលមកពីការកែខៃខ្ទង់ច្រមុះនោះឬយ៉ាងណាទេ ។ ពេលទំនេរនាងនឹងទៅជូបគ្រួពេទ្យជំនាញនៅប្រទេសថៃក្នុងរយៈពេលប៉ុន្មានសប្តាហ៍ទៀត ដើម្បីដកខ្ទង់ច្រមុះចេញ។ ណាមួយមានមតិ មហាជន ជាច្រើនាក់បាននិយាយថា ខ្ទង់ច្រមុះធម្មជាតិរបស់នាងស្អាតសមនឹងមុខរបស់នាងជាងខ្ទង់ច្រមុះសិប្បនិម្មិតទៅទៀត។
សូមបញ្ជាក់ថា ឈិត សុជាតា ធ្លាប់រអ៊ូប្រាប់មិត្តភក្តិស្និទ្ធស្នាលរបស់ខ្លួនថា នាងមានអារម្មណ៍ឈឺចាប់ ជាមួយនឹងខ្ទង់ច្រមុះ សិប្បនិម្មិតនេះ ខ្លាំងណាស់ ជាងមួយឆ្នាំហើយដែលនាងបានធ្វើការកែខៃ នៅក្នុងខ្លួននាងពុំមានអារម្មណ៍ស្រណុកសុខស្រួលសោះ ទើបតែពេលនេះ វាបានធ្វើទុក្ខខ្លាំង ទើបចង់ដកវាចេញ។ លើសពីនេះ ការកែច្រមុះអាចប៉ះពាល់ដល់សំឡេងរបស់នាង និងមានជំងឺផ្តាសាយជាប្រចាំទៀតផង។
គួរឲ្យកត់សម្គាល់ដែលថា នៅក្នុងពិភពសិល្បៈមានសិល្បការិនីជាច្រើនដូងបានចូលហាងកែសម្ជស្ស និងហាងកែខ្ទង់ច្រមុះរបស់ខ្លួន ដើម្បីតំឡើងសម្រស់ឲ្យកាន់តែស្រស់ឆើតឆាយនោះ មានដូចជា ឱក សុគន្ធកញ្ញា មាស សុខសោភា នីមុន្នីនាថ សឿ សុធារ៉ា សាសា កុលដាវី ឆៃលី ដាឡែន ព្រមទាំង ឈិត សុជាតា និងសិល្បការិនិជាដទៃទៀត៕
Source : cen
