ប្រភពព័ត៌មានសិល្បៈបរទេសនានា បានឱ្យដឹងកាលពីថ្ងៃទី០៤ ខែមិនា ឆ្នាំ២០១៣នេះថា នាង Kate Upton មានអំណួតចំពោះសម្រស់ខ្លួនឯង ខណៈក្នុងអំឡុងពេលថ្មីៗនេះ តារារូបនេះបាននឹងកំពុង ទទួលការអញ្ជើញឱ្យថត ផ្សាយពាណិជ្ជ គ្រប់រដូវកាល ពេញមួយឆ្នាំតែម្តង។
ជាក់ស្តែងដូចជាកាលពីម្សិលមិញ នាង Kate Upton ត្រូវបាន Sports Illustrated អញ្ជើញឱ្យថតផ្សាយពាណិជ្ជកម្ម ឈុតប៊ីគីនីលើភ្នំទឹកកក តំបន់ត្រូពិក ដែលក្នុងឱកាសនោះ នាងបានព្រលយសម្តី ប្រាប់អ្នកសារព័ត៌មានថា នាងពិតជាមានមោទនភាព ចំពោះសម្រស់ របស់ខ្លួនឯងជាខ្លាំង។ មិនថាជាផ្នែកមួយណា នៃរាងកាយរបស់នាងទេ គឺសុទ្ធតែមានភាពទាក់ទាញ ជាពិសេសចំណុច ត្រង់រង្វង់ភ្នែក ដោយ Kate Upton បានឱ្យដឹងថា ” ខ្ញុំគិតថាភ្នែករបស់ខ្ញុំ គឺជាចំណុចទាក់ទាញជាចម្បង ដែលមានពណ៌ ទឹកសមុទ្របែកពណ៌បៃតង “។គួរបញ្ជាក់ថា Kate Upton បច្ចុប្បន្នទើបមានវ័យ ២០ឆ្នាំប៉ុណ្ណោះ ហើយអ្វីដែលជា ភាពទាក់ទាញរបស់នាង ក្រៅពីកែវភ្នែក គឺទំហំនៃដងខ្លួនរបស់នាង មានខ្នាតទាំងបី 33-25-36 ដែលជាចំណុចដាស់កាមារម្មណ៍បំផុត។ ទាំងនេះហើយជាអ្វី ដែលនាងមានអំណួចយ៉ាងខ្លាំង ទៅលើសក្កានុពល នៃសម្រស់របស់ខ្លួន នៅក្នុងវិស័យបង្ហាញ ម៉ូដក្តៅសាច់៕
ប្រភព ស៊ី អេច អិន
