តារាចម្រៀងរូបនេះ បានធ្វើការផ្តែផ្តាំដល់បងប្អូនដែលកំពុងតែប្រើប្រាស់សង្គមហ្វេសបុក ក៏ដូចជាបណ្តាលអ្នកគាំទ្រថា សូមកុំមានការយល់ច្រឡំអី ថាជា Profile របស់នាង ព្រោះគណនីយ ដែលនាងប្រើប្រាស់សព្វថ្ងៃ មិនមែនមានឈ្មោះ (Tep Boprek “Real”)នោះទេ។
លោក ណុប បាយ៉ារិទ្ធ ដែលជាតារាចម្រៀង ហង្សមាស តែមួយបានការឆ្លើយតបភ្លាម តាមរយៈបណ្តាញសង្គម ហ្វេសបុក ថា “All fake Account of Tep Boprek everyone stop add …n pls help to report n unfriend reall Acount her name ah oun nich nich her change name cuz pouk fake vea twer bap her pek fake account jea ke Huey post ta rerng bad pit jea nor rouk nas pouk ah os nis .khang krorm jea all fake Account ….”។ នេះជាសម្តីដែលតារាចម្រៀង ណុប បាយ៉ារិទ្ធ បង្ហោះក្នុងគណនីយហ្វេសបុករបស់ខ្លួន។
ជួបជាមួយ ស៊ីអ៊ីអិន តាមទូរស័ព្ទ ម្ចាស់បទ បេះដួងគ្មានឈាម លោក ណុប បាយ៉ារិទ្ធ បានឲ្យដឹងថា “ពេលនេះ បូព្រឹក កំពុងតែរកអ្នក IT ណា ដែលពូកែដើម្បីវែកមុខជន ដែលកំពុងតែតាមរំខាន និងបង្ខូចកេរ្តិ៍ឈ្មោះ បូព្រឹក។ ទីមួយ អ្នកដែលយក ឈ្មោះ បូព្រឹក្ស ទៅលេងនោះ គឺមានបំណងមិនល្អឡើយ យកទៅដាក់ថា លក់ខ្លួន ហើយអ្វីដែលសំខាន់នោះ គឺយកទៅបង្ហោះរឿងទាក់ទងនឹងនយោបាយ ដែលតាមពិតទៅគ្នាមិនដែលលេង ហ្វេសបុក ដែលមានឈ្មោះ Tep Boprek នោះផង”។
តារាចម្រៀង ទេព បូព្រឹក្ស បានប្រតិកម្មតបភ្លាមៗជាមួយនឹងអ្នកដែលតាមយាយីឈ្នានីស នាងព្រោះនាងហាក់មិនដឹងខ្លួនរាល់ account facebook ទាំងអស់ដែលយកឈ្មោះរបស់នាង ទៅប្រើប្រាស់ហើយក្នុងន័យមិនល្អ។
ទេព បូព្រឹក្ស បានបញ្ជាក់ថា “ខ្ញុំទើបតែដឹងរឿងនេះកាលពីម្សិលមិញណាបង ហើយគេយកលេខទូរស័ព្ទខ្ញុំទៅដាក់ទៀត មិនតែប៉ុណ្ណោះគេយកឈ្មោះខ្ញុំទៅប្រើហើយ ដាក់ថា (Tep Boprek Real) ទៀត ខ្ញុំមិនដឹងថាខ្ញុំអាចរកគេឃើញអត់ តែខ្ញុំគិតថា អ្នកដែលយកលេខខ្ញុំទៅដាក់ ហើយ Fake Profile ខ្ញុំ គឺជាអ្នកដែលស្គាល់គ្នាជាមួយខ្ញុំ ឬមួយអ្នកដែលគេស្អប់ខ្ញុំក៏មិនដឹង” វាអាចជាបញ្ហាទំនាស់ពាក្យសំដី ឬការកាច់កុងណាមួយរវាងអ្នកសិល្បៈ តារាចម្រៀងរូបនេះ បានលើកឡើងថា “ ខ្ញុំមិនដឹងថាត្រូវធ្វើម៉េចទេ តែខ្ញុំក៏ខំប្រឹងរកដែរ ហើយខ្ញុំក៏អាចរកអ្នកសារពត៌មានវេបសាយ ឲ្យគាត់ជួយផ្សាយពីរឿងនេះ ព្រោះ Profile មួយហ្នឹងវាមិនមែនជា Profile ខ្ញុំ ហើយដល់ថ្នាក់យកលេខទូរស័ព្ទខ្ញុំទៅបង្ហោះ ហើយណាមួយគាត់បង្ហោះរឿងនយោបាយទៀត ហើយអ្វីដែលសំខាន់នោះ គឺវាមិនមែនជា Profile របស់ខ្ញុំទេ ខ្ញុំបានដូរឈ្មោះយូរដែលហើយ ប្រហែលជាមួយខែមកហើយ។
ដោយសារតែមានទំនាស់បន្តិចបន្តួចក្នុងចង្កោមមិត្តភក្រ ធ្វើឲ្យតារាចម្រៀង ដែលកំពុងតែក្រសោបបាននូវភាពល្បីល្បាញ តាមរយៈបទចម្រៀងដែលមានជាខ្សែរឿងជាមួយតារាចម្រៀងប្រុស ឆន សុវណ្ណរាជ កំពុងតែស្វះស្វែងរកមធ្យោបាយ ដើម្បីបញ្ឈប់សកម្មភាពអ្នកដែលយក ឈ្មោះនាង ទៅប្រើក្នុងន័យមិនល្អ តារាចម្រៀងរូបនេះ កំពុងតែទទួលបានប្រជាប្រិយ៍ភាពគួរសមខណៈពេលដែលនាងឈានជើងចូលក្នុងហង្សមាស។
ឆន សុវណ្ណរាជ បានបញ្ជាក់ថា “វាប្រហែលជាមិនមែនអ្នកសិល្បៈទេបង អាចជាមិត្តភ័ក្រធម្មតា ព្រោះធ្លាប់មានបញ្ញា អន់ចិត្តនឹងគ្នា តែសម្រាប់ខ្ញុំវិញគឺមិនអីទេនៅតែធម្មតា ហើយជាចុងក្រោយខ្ញុំសូមសំណូមពរដល់អ្នកដែលគាត់ធ្វើនោះ ប្រសិនជាគាត់មិនព្រមបញ្ឈប់ទេ ខ្ញុំនឹងធ្វើទៅតាមច្បាប់ហើយ ព្រោះគាត់យក ឈ្មោះរបស់ខ្ញុំទៅប្រើហើយ ដាក់លេខទូរស័ព្ទលក់ខ្លួន និងបញ្ហាទាក់ទងនឹងនយោបាយ ហើយអ្វីដែលពិសេសនោះ ខ្ញុំសូមប្រាប់ដល់អ្នកគាំទ្ររបស់ខ្ញុំ និងទស្សនិកជន ថាខ្ញុំមិនមាន Facebook ដែលមានឈ្មោះថា (Tep Boprek) ឬ (Tep Boprek Real) នោះឡើយ”៕
See more at: http://www.cen.com.kh
