Daily Press

ឃុំខ្លួនស្ត្រីជើងឆើតពូកែលក់ដីខ្យល់ និងចេញសែកស្អុយ

6/26/2013 09:41:00 PM ដំណឹងក្នុងប្រទេស

រាជធានីភ្នំពេញ ៖ សាលាដំបូងរាជធានីភ្នំពេញ កាលពីល្ងាចថ្ងៃទី២៥ មិថុនា បានសម្រេចឃុំខ្លួនស្ត្រីម្នាក់ដែលជាប់ចោទពីបទលក់ដីខ្យល់ និងចេញមូលប្បទានបត្រអត់សាច់ប្រាក់ដាក់ពន្ធនាគារព្រៃសជាបណ្តោះ អាសន្ន រង់ចាំការស៊ើបអង្កេត និងបើកសវនាការផ្តន្ទាទោសតាមផ្លូវច្បាប់ ។
ស្ត្រីជាប់ចោទរូបនេះឈ្មោះ ម៉ឹង ដាវី អាយុ៣៧ឆ្នាំ ជាអាជីវករ មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។ ការសម្រេចឃុំខ្លួននេះ បើតាមប្រភពព័ត៌មាននៅសាលាដំបូងរាជធានីភ្នំពេញឱ្យដឹងថា គឺយោងទៅលើកំណត់ហេតុរបស់លោក ឯក ឆេងហួត ព្រះរាជ អាជ្ញារងអមសាលាដំបូងរាជធានីភ្នំពេញ ស្តីពីការឃាត់ខ្លួន ។
ជាមួយនេះ ដោយបានឃើញពាក្យបណ្តឹងរបស់ឈ្មោះ អុឹម សារ៉ាយ៉ា ភេទស្រី អាយុ៤០ឆ្នាំ ទីលំនៅផ្ទះលេខ២៩ ផ្លូវលេខ៧១BT សង្កាត់បឹងទំពុន ខណ្ឌមានជ័យ និងចម្លើយជនត្រូវចោទដែលមានតម្រុយ និងភ័ស្តុតាងស៊ីសង្វាក់គ្នាបញ្ជាក់ថា ជនសង្ស័យឈ្មោះ ម៉ឹង ដាវី បានប្រព្រឹត្តបទល្មើសមានចេតនាធ្វើឱ្យខូចខាតប្រយោជន៍អ្នកដទៃដោយ ការដកប្រាក់គណនីសម្រាប់ទូទាត់មូលប្បទានបត្រលក់ដីខ្យល់ និងចេញសែកអត់លុយ ។
សកម្មភាពនេះប្រព្រឹត្តនៅរាជធានីភ្នំពេញក្នុងអំឡុងឆ្នាំ២០១២ ទៅលើជនរងគ្រោះជាច្រើននាក់ តាមរូបភាពយកប្រាក់គេ ហើយគ្រាន់តែដើរចង្អុលដីខ្យល់ និងប្រគល់មូលប្បទានបត្រធនាគារអត់សាច់ប្រាក់ទៅគេវិញ ។ ពាក់ព័ន្ធដូចអង្គហេតុបានរៀបរាប់ខាងលើ ទើបតំណាងអយ្យការធ្វើការចោទប្រកាន់ជាផ្លូវការ និងបានចាត់បញ្ជូនទៅចៅក្រមឱ្យឃុំខ្លួនស្ត្រីជើងឆើតរូបនេះតែ ម្តង ៕

see more at : http://kohsantepheapdaily.com.kh

យានអវកាសចិន Shenzhou-10 វិលត្រលប់មកផែនដីវិញហើយ

6/26/2013 09:37:00 PM ដំណឹងអន្តរជាតិ

គម្របក្បាលគ្រាប់ នៃ Shenzhou-10 ដែលផ្ទុកអវកាយានិកចិន ៣ នាក់ បានវិលត្រលប់មកផែនដីវិញដោយសុវត្ថិភាពហើយ បន្ទាប់ពីធ្វើបេសកកម្មរយៈពេល ១៥ ថ្ងៃ នៅក្នុងលំហអាកាសមកនោះ ។
អាវកាសយានិកទាំងនោះ បានធ្វើដំណើរតាមយានអវកាសចិន Shenzhou-10 ឡើងទៅកាន់កន្លែងពិសោធន៍លំហអាកាសរបស់ចិន Tiangong-1 ។
ពួកគេបានបញ្ចប់លំហាត់ចតដោយដៃ និងអវកាសយានិក Wang Yaping ក៏បានផ្តល់មេរៀនជាវីដេអូ ត្រលប់មកផែនដី ដល់និស្សិតបានយល់ដឹងផងដែរ ។ Shenzhou-10 គឺជាយានអវកាសសម្រាប់ធ្វើបេសកកម្មលំហអាកាសដោយដៃលើកទី៥ និងបានកើតឡើង ១០ ឆ្នាំមកហើយ បន្ទាប់ពីត្រូវបានបញ្ចូនអវកាសយានិកម្នាក់ ទៅកាន់លំហអាកាសលើកដំបូងនោះ ។
ស្ថានីយ៍ទូរទស្សន៍រដ្ឋចិន បានបង្ហាញឲ្យឃើញថា គម្របក្បាលគ្រាប់ នៃ Shenzhou-10 បានចុះចតនៅវាលស្មៅ នៅក្នុងតំបន់ម៉ុងហ្គោលីខាងក្នុង នៅវេលាម៉ោង ០៨ និង ០៧ នាទី ព្រឹកថ្ងៃពុធនេះ (ម៉ោងក្នុងតំបន់) ។ មេបញ្ជាការបេសកកម្ម លោក Nie Haisheng គឺជាជនទី១ ដែលបានចាកចេញពីគម្របក្បាលគ្រាប់ នៅម៉ោង ០៩ និង ៣១ នាទី ហើយបន្ទាប់មក គឺក្រុមការងាររបស់គាត់ដែលមានឈ្មោះ Wang Yaping និង Zhang Xiaoguang ។
សារព័ត៌មានចិនបាននិយាយថា អវកាសយានិកទាំងនោះ ក៏ត្រូវការពេលវេលា ដើម្បីសម្រួលខ្លួនរបស់ពួកគេឲ្យបានល្អផងដែរ ទៅនឹងកម្លាំងស្រូបទាញនៃផែនដី មុនពេលផុសខ្លួនចេញពីគម្របក្បាលគ្រាប់លំហអាកាសនេះ ។ សូមបញ្ជាក់ថា លោក Nie គឺជាអ្នកបេសកកម្មពីមុនមួយរូប ដែលបានចំណាយពេលច្រើនម៉ោង នៅក្នុងលំហអាកាស ជាងអ្នកដទៃទៀត រហូតដល់ទៅ ៤៧០ ម៉ោង សម្រាប់បេសកកម្មពី២លើករបស់គាត់ -នេះបើយោងតាមភ្នាក់ងារស៊ីនហួរឲ្យដឹង ៕
ប្រភពពី ខ្មែរស្ថាបនា

តារាចម្រៀង គង់ ចាន់រដ្ឋា មានបុរសក្រៅស្រុកសូមស្អំបេះដូងលុបស្នេហ៍ចាស់ចោល

6/26/2013 09:33:00 PM ដំណឹងក្នុងប្រទេស, តារា

តារាចម្រៀងដែលកំពុងទទួលបានការចាប់អារម្មណ៍ពី ប្រិយមិត្តហ្វេប៊ុក ជាមួយនឹងការច្រៀង បង្ហើរសំនៀងតាមបណ្តាញទំនាក់ទំនងសង្គមមួយនេះ ច្បាម ប្រជាប្រិយភាពមិនតិចនោះទេ ជាពិសេសទទួលបានការស្នើរសុំឲ្យច្រៀងពីបុរសនៅក្រៅស្រុក ជាច្រើនផងដែរតាមរយៈបទសម័យចាស់។ទន្ទឹមជាមួយនឹងភាពល្បីមិនដាច់ នេះដែរ ទោះនាងមិនឈរជើងជាមួយនឹងផលិតកម្មធំៗក្នុងស្រុកមែនពិត តែកេរ្តិ៍ឈ្មោះនាង កំពុងហក់លោត មិនចាញ់តារាចម្រៀងជួរមុខក្នុងផលិតកម្មធំៗប៉ុន្មាននោះទេ។ ថ្មីៗនេះដែរ ប្រភពព័ត៌មានមួយបានបង្ហើបឲ្យដឹងថា គង់ ចាន់រដ្ឋា កំពុងឈឺចាប់រឿងស្នេហាចាស់ តែក៏មានបុរសក្រៅស្រុកជាច្រើនសូមស្អំបេះដូង នាងលុបដាន ស្នេហ៍ចាស់ចោល ក្នុងរង្វង់សិល្បៈដូចគ្នា ។ប្រភពដដែលបានបង្ហើបឲ្យដឹងបន្តថា បុរសដែលចូលមកស្អំ បេះដូងរបស់នាង មិនចាញ់ ស្នេហ៍ចាស់ប៉ុន្មាននោះទេ ហើយជាអនិជនក្រៅប្រទេស។
ជួបជាមួយនឹង គង់ ចាន់រដ្ឋា តាមរយៈទូរស័ព្ទដៃនៅរសៀលនេះ ដែរនាងបានឲ្យដឹងថា “រឿងពាក្យចចាមអារាមនោះដែរ វាជារឿងពិត តែនាងសូមមិនបញ្ចេញឈ្មោះ ថាបុរសរូបនោះគេរស់នៅប្រទេសណា គ្រាន់តែដឹងថា ជាអនិកជនក្រៅស្រុកបានហើយ”។នាងបានបន្តឲ្យដឹងថា បុរសដែលរស់នៅក្រៅស្រុកនោះ មិនចាញ់បុរសក្នុងរង្វង់សិល្បៈដូចគ្នាប៉ុន្មានឡើយ តែទាស់តែពេលនេះ នាងមិនអាចប្រាប់បានទេ ព្រោះថារវាងនាង និងគេ ហាក់បីដូចជាមិនទាន់ប្រាកដប្រជានៅឡើយ។តែបើសិនជារឿងនេះ ប្រាកដប្រជា នាងមិនលាក់លៀមអ្វីទាំងអស់នឹងបង្ហាញមុខគូស្នេហ៍នេះឲ្យសាធាណៈជន បានដឹងតែម្តងថា បុរសដែលចូលស្អំបេះដូងនាង ស្អាតប៉ុណ្ណានោះ។
ក្រៅពីរឿងទាក់ទិននឹងអ្នកមកចូលស្អំបេះដូងនេះដែរ នាងបានប្រាប់ឲ្យដឹងថា នាងកំពុងត្រៀមចេញវ៉ុលថ្មីបែបសម័យថ្មី នៅក្នុងផលិតកម្ម បុប្ជា ដែលក្នុងនោះនាងបានថតចំនួន ៧ បទ រួចរាល់ហើយតែមិនដឹងថា ចេញទាំងព្រមឬក៏យ៉ាងណានោះទេ៕

ប្រភពព័ត៌មានពី៖ ដំណឹង

វីដេអូ ៖ បុរសម្នាក់ចេះហោះ ដោយប្រើដៃម្ខាងតោងរថយន្ដក្រុង

6/26/2013 09:25:00 PM ដំណឹងអន្តរជាតិ, ប្លែកៗ ហួសចិត្ត

បុរសម្នាក់នេះបានធ្វើឲ្យអ្នកដំណើរ និងអ្នកទស្សនាតាមប៉ុស្ដិ៍ទូរទស្សន៍ និងគេហទំព័រអនឡាញជាច្រើននាក់ មានចម្ងល់ នឹងទង្វើដ៏អស្ចារ្យរបស់គាត់។ តើធ្វើយ៉ាងណាទើបគាត់អាច ប្រើដៃម្ខាងដាក់ជាប់នឹងរថយន្ដក្រុង ដែលកំពុងតែធ្វើដំណើរបាន?
បុរសម្នាក់នេះមានឈ្មោះថា Dynamo គឺជាអ្នកលេងសៀកដ៏ឆ្នើមម្នាក់ ហើយគ្មាននរណាម្នាក់ដឹងពីវិធី នៃការតោងរថយន្ដហោះខ្ពស់ពីដី របស់គាត់នោះទេ។ នៅពេលដែលគាត់សំដែរ គឺមានទឹកមុខរីករាយ ដែលបានជិះឆ្លងកាត់ស្ពាន Westminster កាលពីថ្ងៃអាទិត្យកន្លងទៅនេះ។ យ៉ាងណាមិញ យើងបានប្រទះឃើញបុរសម្នាក់ទៀត ឈ្មោះ Johan Lorbeer បានសំដែងនូវ សកម្មភាពស្រដៀងគ្នាទៅនឹងបុរសខាងលើ ដោយគាត់ប្រើដៃដាក់ជាប់នឹងជញ្ជាំង តែនៅពេលដែលគាត់ចុះពីលើជញ្ជាំងនោះមក ឧបករណ៍មួយដែលធ្វើពីដែក ដែលអាចទ្រទំនន់របស់គាត់បាន។ ហើយសកម្មភាពរបស់គាត់ ក៏ត្រូវបានចុះផ្សាយនៅគេហទំព័រ news.com.au របស់អូស្ដ្រាលីផងដែរ ដែលបានផ្សាយថា គាត់ប្រើប្រាស់ដៃក្លែងក្លាយ ជាប់ជាមួយនឹងជញ្ជាំង ហើយដៃមែនទែន ដាក់ទីក្នុងអាវ។

តើប្រិយមិត្តយល់យ៉ាងណាចំពោះ វីដេអូខាងក្រោម? សូមទស្សនាវីដេអូខាងក្រោមទាំងអស់គ្នា៖

សហភាពសហជីពកម្ពុជាអំពាវនាវឲ្យពលរដ្ឋបោះឆ្នោតជូនបក្សសង្គ្រោះជាតិ

6/26/2013 03:54:00 PM ដំណឹងក្នុងប្រទេស

សហភាពសហជីពកម្ពុជានៅថ្ងៃពុធ ទី២៦ ខែមិថុនានេះ បានផ្ញើលិខិតអំពាវនាវដល់សមាជិក, កម្មករ, និយោជិត, គ្រូបង្រៀន, មន្ត្រីរាជការ និងប្រជាពលរដ្ឋឲ្យបោះឆ្នោតជូនគណបក្សសង្គ្រោះជាតិនៅក្នុងការ បោះឆ្នោតជ្រើសរើសតំណាងរាស្ត្រអាណត្តិទី៥ ខែកក្កដាខាងមុខ។

លោក រ៉ុង ឈុន ប្រធានសហភាពសហជីពកម្ពុជា និងជាប្រធានសមាគមគ្រូបង្រៀនកម្ពុជាឯករាជ្យបានឲ្យដឹងក្នុង សន្និសីទកាសែតនាទីស្នាក់ការក្រុងភ្នំពេញថា មូលហេតុដែលនាំឲ្យរូបលោកចេញសេចក្តីអំពាវនាវនេះគឺដោយយល់ថា គណបក្សសង្គ្រោះជាតិ មានគោលនយោបាយល្អ និងជួយគិតគូរពីសុខទុក្ខមន្ត្រីរាជការ, គ្រូបង្រៀន, សិស្សនិស្សិត និងកម្មករឲ្យទទួលបានប្រាក់បៀវត្សសមរម្យ ជាពិសេស ឲ្យប្រទេសជាតិគោរពសិទ្ធិមនុស្ស និងគ្មានការគំរាមកំហែង។

ដូចគ្នាដែរសំរាប់សហព័ន្ធនិស្សិតបញ្ញវន្តកម្ពុជានៅ ថ្ងៃទី២៦ ខែមិថុនា ក៏បានចេញសេចក្តីអំពាវនាវ របស់ខ្លួនឲ្យប្រជាពលរដ្ឋជាពិសេសយុវជនសិស្ស, និស្សិត, បញ្ញវន្ត អញ្ជើញទៅបោះឆ្នោតជ្រើសរើសតំណាងរាស្ត្រអាណត្តិទី៥ ខែកក្កដាខាងមុខកុំបីខានព្រោះថា ការបោះឆ្នោតមានសារៈសំខាន់ ដើម្បីជំរុញឲ្យជីវភាពរស់នៅរបស់បងប្អូនមានការផ្លាស់ប្តូរ។

លិខិតដដែលបញ្ជាក់ថា បើបងប្អូនបោះឆ្នោត ឬសំរេចចិត្តត្រូវនោះ ជីវភាពរបស់បងប្អូននឹងប្រសើរឡើង ហើយសង្គមជាតិនឹងមានការរីកចំរើន។ ដូច្នេះសូមបងប្អូនបោះឆ្នោតស្របតាមសតិសម្បជញ្ញៈពិតប្រាកដ របស់បងប្អូនម្នាក់ៗដោយសេរី។

ការបោះឆ្នោតជ្រើសរើសតំណាងរាស្ត្រអាណត្តិទី៥ នឹងប្រព្រឹត្តទៅនៅថ្ងៃទី២៨ ខែកក្កដាឆ្នាំ ២០១៣ខាងមុខ។ ការបោះឆ្នោតនេះ មានគណបក្សនយោបាយចំនួន៨ បានចុះឈ្មោះចូលរួមប្រកួតប្រជែង។
រីឯយុទ្ធនាការឃោសនាបោះឆ្នោត នឹងចាប់ផ្តើមនៅថ្ងៃទី២៧ ខែមិថុនា ដល់ថ្ងៃទី២៦ ខែកក្កដា ឆ្នាំ២០១៣៕
ប្រភពពី វិទ្យុអូស្ត្រាលី

ខឹងប្រពន្ធកូនរកលុយទិញថ្នាំញៀនឲ្យជក់មិនបាន ទាញដាវប្រុងកាប់សម្លាប់ តែត្រូវសមត្ថកិច្ចចាប់ក្របួចជាប់

6/26/2013 03:46:00 PM ដំណឹងក្នុងប្រទេស

រាជធានីភ្នំពេញ ៖ យុវជនញៀនថ្នាំដ៏ងប់ងល់ម្នាក់ ត្រូវបានសមត្ថកិច្ចចាប់ឃាត់ខ្លួនងកាលពីវេលាម៉ោង ៧និង១៥នាទីព្រឹកថ្ងៃទី២៥ ខែមិថុនា ឆ្នាំ២០១៣ នៅចំណុចផ្ទះជួលមួយកន្លែងស្ថិតក្នុងភូមិប៉ប្រកខាងជើង សង្កាត់កាកាបខណ្ឌពោធិ៍សែនជ័យ បន្ទាប់ពីយុវជនរូបនេះ បានធ្វើសកម្មភាពទាញដាវបម្រុងកាប់ប្រពន្ធនិងកូន ដោយសារតែខឹងរកលុយទិញថ្នាំញៀនឲ្យខ្លួនជក់បានគ្រប់គ្រាន់មិនបាន។

បើតាមប្រភពព័ត៌មានពីសមត្ថកិច្ចបានឲ្យដឹងថា បុរសដែលញៀនថ្នាំរហូតដល់ថ្នាំបាត់បង់ស្មារតី យកដាវប្រុងកាប់សម្លាប់ប្រពន្ធ និងកូនខាងលើនេះមានឈ្មោះ សឺង សុភ័ក្ត្រ អាយុ៣០ឆ្នាំ មានស្រុកកំណើតនៅខេត្តកំពង់ធំ ស្នាក់នៅផ្ទះជួលកន្លែងកើតហេតុខាងលើ។ ប្រភពដដែលបានបន្តឲ្យដឹងទៀតថា មុនពេលកើតហេតុគឺជនល្មើសខាងលើបានបង្ខំប្រពន្ធនិងកូនប្រុសដែលទើបតែ មានអាយុ១០ឆ្នាំ ឱ្យរកលុយទិញថ្នាំ មកឱ្យខ្លួនជក់។ ពេលនោះប្រពន្ធក៏សុខចិត្តយកទូរស័ព្ទទៅបញ្ចាំដើម្បីយកលុយទៅទិញ ថ្នាំញៀនឱ្យប្ដី តែលោកប្តីជក់នៅមិនទាន់អស់ចិត្តក៏បានដេញឱ្យទៅរកបន្ថែមទៀត ពេលរកមិនបានក៏ទាញដាវគំរាមប្រុងកាប់សម្លាប់ ប៉ុន្តែត្រូវស្ត្រីរងគ្រោះរត់គេចខ្លួនទៅប្តឹងសមត្ថកិច្ចឲ្យធ្វើការ ចាប់ខ្លួនលោកប្តីដ៏ចោលម្សៀតនេះតែម្តងទៅ។

បច្ចុប្បន្នជនសង្ស័យខាងលើ កំពុងត្រូវបានឃុំខ្លួននៅស្នាក់ការប៉ូលិស ដើម្បីកសាងសំណុំរឿងបញ្ជូនខ្លួនទៅកាន់តុលាការ។ គួរបញ្ជាក់ផងដែរថា បញ្ហាថ្នាំញៀនគឺជាក្តីកង្វល់ដ៏ធំមួយ ដែលរាជរដ្ឋាភិបាលកំពុងតែខំប្រឹងប្រែងធ្វើការលុបលំបាត់ ព្រោះថ្នាំញៀនគឺជាប្រភពដែលបង្កឲ្យមានបទល្មើសជាច្រើននៅក្នុងសង្គម ដូច្នេះប្រជាពលរដ្ឋទាំងអស់គួរតែចៀសវៀងឲ្យឆ្ងាយ និងត្រូវ និយាយថាទេ ចំពោះគ្រឿងញៀន៕
ប្រភពពី វត្តភ្នំ

ឮថានិស្សិតចូលរួមហែក្បួនឃោសនាឱ្យគណបក្សប្រជាជនកម្ពុជាបានម្នាក់១ម៉ឺនរៀល

6/26/2013 03:23:00 PM ដំណឹងក្នុងប្រទេស

ប្រភពព័ត៌មានពីក្រុមនិស្សិតរៀនសូត្រនៅតាមបណ្ដាសាកលវិទ្យាល័យ នានានៅរាជធានីភ្នំពេញ បានឱ្យដឹងថា នៅក្នុងឱកាសយុទ្ធនាការឃោសនាបោះឆ្នោតជ្រើសតាំងតំណាងរាស្ដ្រនីតិកាល ទី៥ ដែលនឹងប្រព្រឹត្ដទៅចាប់ពីថ្ងៃទី២៧ខែមិថុនាឆ្នាំ២០១៣ស្អែកនេះ តទៅ ចំពោះនិស្សិតដែលបានចូលរួមហែក្បួនឃោសនារកសំឡេងឆ្នោតឱ្យគណបក្ស ប្រជាជនកម្ពុជា នឹងទទួលបានប្រាក់ចំនួន១ម៉ឺនរៀលក្នុងម្នាក់ៗ ។
ប្រសិនបើព័ត៌មាននេះជាការពិត គឺនិស្សិតជាច្រើននាក់នឹងអាចចូលរួមហែក្បួនឃោសនារកសំឡេងឆ្នោត គាំទ្រឆ្នោតគាំទ្រឱ្យគណបក្សប្រជាជនកម្ពុជា ពីព្រោះនិស្សិតដែលដង្ហែគាំទ្រគណបក្សប្រជាជនកម្ពុជាដែលជាគណបក្ស នយោបាយកាន់អំណាចផ្ដល់ផលប្រយោជន៍ឱ្យវិញ ដូចជាអាចបន្ធូរបន្ថយក្នុងការប្រឡងចូលបម្រើការងារក្នុងក្របខ័ ណ្ឌមន្ដ្រីរាជការពេលបញ្ចប់ការ សិក្សាជានិស្សិត ជាដើម…។ល។
និស្សិតសិក្សានៅសាកលវិទ្យាល័យភូមិន្ទនីតិសាស្ដ្រនិង វិទ្យាសាស្ដ្រសេដ្ឋកិច្ច ប្រមាណ២៥នាក់ ដែលត្រូវបានសាកសួរហើយត្រៀមខ្លួនទៅចូលរួមក្នុងយុទ្ធនាការឃោសនាបោះ ឆ្នោតឱ្យគណបក្សប្រជាជនកម្ពុជា នៅថ្ងៃទី២៧ខែមិថុនាឆ្នាំ២០១៣ស្អែកនេះ បាននិយាយថា រឿងហែក្បួនឃោសនារកសំឡេងឆ្នោតចេះតែទៅចូលរួមហើយ ដើម្បីផ្គាប់ចិត្ដប្រធានសមាគមនិស្សិតខាងគណបក្សប្រជាជនកម្ពុជានិង ទទួលបានផលប្រយោជន៍ផង ប៉ុន្ដែដល់ពេលបោះឆ្នោតក្នុង បន្ទប់សម្ងាត់ គឺជាករណីផ្សេង ៕
see more at : http://www.dtn7.com

លួចកុំព្យូរទ័រគេបានមួយយប់ ព្រឹកឡើងត្រូវសមត្ថកិច្ចចាប់ឃាត់ខ្លួន

6/26/2013 03:08:00 PM ដំណឹងក្នុងប្រទេស

រាជធានីភ្នំពេញ ៖ កម្លាំងនគរបាលខណ្ឌសែនសុខ បានធ្វើការចាប់ឃាត់ខ្លួនយុវតីម្នាក់ កាលពីថ្ងៃទី២៥ ខែមិថុនា ឆ្នាំ២០១៣ កន្លងទៅស្ថិតនៅចំណុចផ្ទះជួល ផ្លូវលេខ១៩២៨ ក្រុម៦ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខបន្ទាប់ពីយុវតីខាងលើនេះ បានធ្វើសកម្មភាពកុំព្យូទ័រយួរដៃ ១គ្រឿង កាលពីរសៀលថ្ងៃទី២៤ ខែមិថុនា ឆ្នាំ ២០១៣ ។
បើតាមប្រភពព័ត៌មានពីសមត្ថកិច្ចបានឱ្យដឹងថា យុវតីដែលត្រូវបានចាប់ឃាត់ខ្លួនខាងលើនេះមានឈ្មោះ ចាន់ សុខនាង អាយុ១៨ឆ្នាំ ស្នាក់នៅផ្ទះលេខ២០៦ ផ្លូវលេខ១៥០ សង្កាត់បឹងកក់ទី២ ខណ្ឌទួលគោក រាជធានី ភ្នំពេញ មុខរបរ មិនពិតប្រាកដ ចំណែកជនរងគ្រោះមានឈ្មោះ កេង ឌីណា។
ប្រភពដដែលបានបន្តទៀតថា យុវតីនិងជនរងគ្រោះទើបតែស្គាល់គ្នាបានមួយរយៈពេលខ្លីប៉ុណ្ណោះ គឺស្គាល់គ្នាតាមរយៈការជួបគ្នានៅក្នុងស្តាម៉ាតតូតាល់មួយ កន្លែង ស្ថិតនៅក្នុងសង្កាត់ភ្នំពេញ។ មុនពេលកើតហេតុ ជនរងគ្រោះបានបបួលជនសង្ស័យទៅលេងបន្ទប់ជួលរបស់ខ្លួន លុះមួយសន្ទុះក្រោយមក ខណៈពេលដែលជនរងគ្រោះបានភ្លេចខ្លួន ស្រាប់តែជនសង្ស័យបានលួចយកកុំព្យូទ័ររត់គេចខ្លួនបាត់ស្រមោល។
បន្ទាប់ពីលួចបានហើយ ជនសង្ស័យក៏បានយកកុំព្យូទ័រនោះទៅផ្ញើទុកនៅមិត្តភក្តិរបស់ខ្លួន ឈ្មោះ ញាញ់ ហើយចូលទៅលេងនៅក្នុងក្លឹបកម្សាន្ត ម៉ូណាកូ រហូតដល់វេលាទៀបភ្លឺ។ លុះពេលដែលជនសង្ស័យចេញពីក្លឹបមកវិញ ក៏ជួបជនរងគ្រោះហើយក៏ត្រូវសមត្ថកិច្ចចុះឃាត់ខ្លួនភ្លាមៗតែម្ដង ។
បច្ចុប្បន្នយុវតីខាងលើ ត្រូវបាននគរបាលខណ្ឌសែនសុខ កសាងសំណុំរឿងបញ្ជូនទៅកាន់តុលាការដើម្បីដោះស្រាយទៅតាមនីតិវិធី ច្បាប់៕
see more at : http://www.watphnom-news.com

បក្សប្រជាជនមិនចូលរួមវេទិកាស្តីពីការបោះឆ្នោត

6/26/2013 02:15:00 PM ដំណឹងក្នុងប្រទេស

ភ្នំពេញៈ គណបក្សប្រជាជនកម្ពុជា ដែលជាគណបក្សកាន់អំណាចជាថ្មីម្តងទៀតមិនចូលរួមនៅក្នុងកិច្ច ពិភាក្សាវែកញែកអំពីគោលនយោបាយរបស់គណបក្សនយោបាយ ដែលធ្វើឡើងនៅរាជធានីភ្នំពេញកាលពីថ្ងៃចន្ទឡើយបើទោះបីជា សមិទ្ធផលសម្រេចបានរបស់គណបក្សកាន់អំណាចត្រូវបានគេធ្វើការពិនិត្យ នៅក្នុងវេទិកានេះក៏ដោយ។ ដោយគ្មានវត្តមានរបស់គណបក្សប្រជាជន មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) បានរៀបចំឲ្យមានការពិភាក្សា ពីតំណាងជាច្រើនមកពីគណបក្សតូចៗ និងគណបក្សសង្គ្រោះជាតិ ដែលជាគណបក្សប្រឆាំងធំមួយទៅលើក្តីបារម្ភអំពីការបោះឆ្នោតដែលលើក ឡើងដោយប្រជាពលរដ្ឋ។ ខណៈដែលការពិភាក្សាអំពីគោលនយោបាយដឹកនាំដោយអង្គការក្រៅរដ្ឋាភិបាល នៅក្នុងដំណើរការមុនពេលការបោះឆ្នោត គណបក្សប្រជាជនបានខកខានមិនបញ្ជូនតំណាងរបស់ខ្លួនចូលរួមឡើយហើយ លើកនេះ គណបក្សហ៊្វុនស៊ិនប៉ិច ក៏បានបដិសេធមិនចូលរួមពិភាក្សាផងដែរ។
លោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ បានថ្លែងថា៖ «យើងមានការសោកស្តាយចំពោះអវត្តមានរបស់គណបក្សសំខាន់ៗ ទាំងនោះដោយការមិនចូលរួមរបស់ពួកគេវាមានន័យថា ពួកគេមិនផ្តល់តម្លៃចំពោះក្តីបារម្ភក៏ដូចជាសំណូមពរ របស់ប្រជាពលរដ្ឋឡើយ»។
អ្នកវិភាគនយោបាយ លោក កែម ឡី ដែលបានសម្របសម្រួលកិច្ចពិភាក្សានោះ បានថ្លែងថា បើទោះបីជាវាយឺតពេលសម្រាប់ក្តីបារម្ភ របស់សាធារណជនដែលត្រូវយកមកដោះស្រាយក្តីគណបក្សនយោបាយអាច«ឮសំឡេង ពីប្រជាជន»នៅក្នុងវេទិកានេះ។ បញ្ហាក្តីបារម្ភទាំងនោះរួមមានការអំពាវនាវឲ្យមានវិសោធនកម្មចំពោះ ច្បាប់បោះឆ្នោតនិងកំណែទម្រង់អ្នកចុះបញ្ជីអ្នកបោះឆ្នោតជាដើម។ លោកថ្លែងថា៖ «ខ្ញុំគិតថា ពួកគេត្រូវតែចែករំលែកទស្សនៈរបស់ខ្លួនដើម្បីជជែកវែកញែកជាមួយ មន្រ្តីអង្គការក្រៅរដ្ឋាភិបាលពលរដ្ឋ និងសាធារណជននៅទីនេះគណបក្សប្រជាជននិងគណបក្សហ៊្វុនស៊ិនប៉ិច ពួកគេត្រូវតែមកហើយយកពេលវេលាមួយចំនួនធ្វើការចែករំលែក និងទឡ្ហីករណ៍ថា តើអ្វីដែលបានកើតឡើងខុសឬត្រូវ»។
អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បានថ្លែងថា គណបក្សប្រជាជន កំពុងផ្តោតទៅលើការធ្វើការងារសម្រាប់ប្រជាជនជាជាងការជជែកគ្នា។ លោកបានថ្លែងថា៖ «វាជាពេលធ្វើការងារមិនមែនជាពេលជជែកទៀតទេ។ ទុកឲ្យគណបក្សដែលចូលចិត្តជជែក ជជែកទៅ ប៉ុន្តែយើងជាគណបក្សប្រជាជន ជាអ្នកធ្វើយើងមិនចំណាយពេលឥតប្រយោជន៍ដើម្បីអង្គុយនិងពិភាក្សា ទេ.យើងមិនមែនធ្វើការដើម្បីភាពល្បីខ្លួនឯងទេប៉ុន្តែយើងធ្វើការ ដើម្បីជីវិតប្រសើរឡើងសម្រាប់ប្រជាជន»។
ដោយអវត្តមានរបស់គណបក្សកាន់អំណាចតំណាងគណៈកម្មាធិការជាតិរៀបចំ ការបោះឆ្នោតលោក កែវ ផល្លា ត្រូវបានវាយប្រហារពីគ្រប់ផ្នែកនិងបានសង្កត់ធ្ងន់ទៅចំណុចដែលថា គ.ជ.ប អនុវត្តទៅតាមច្បាប់ដែលគ្រប់គ្រងយ៉ាងតឹងរ៉ឹង។ លោកថ្លែង បន្ទាប់ពីឆ្លើយសំណួរលំបាកៗ ដែលមានចាប់ពីបញ្ហាសិទ្ធិបោះឆ្នោតរបស់កម្មករចំណាកស្រុករហូតដល់ លទ្ធភាពប្រព័ន្ធផ្សព្វផ្សាយសម្រាប់គណបក្សនយោបាយថា៖ «ហេតុអ្វីអ្នកមិនយល់អ្វីដែលច្បាប់និយាយថាវាលំបាកឲ្យមានការ សន្ទនាដែលប្រកបដោយហេតុផលសូមអានច្បាប់ឲ្យបានច្រើនជាងនេះនៅមុន ពេលអ្នកលើកចំណុចណាមួយ»។ លោកបន្ថែមថា៖ «អ្នកទាំងអស់គ្នាដឹងថា នេះគឺផ្អែកទៅតាមច្បាប់ និងរដ្ឋធម្មនុញ្ញកម្ពុជាសភាគឺជាស្ថាប័នតែមួយគត់ ដែលអាចស្នើឲ្យមានការផ្លាស់ប្តូរច្បាប់គ.ជ.ប មិនអាចធ្វើសេចក្តីព្រាងណាមួយបានទេ»។
តំណាងគណបក្សសង្គ្រោះជាតិលោក អ៊ូ ចាន់រិទ្ធិបានថ្លែងថា ទាំងគ.ជ.ប និងរដ្ឋាភិបាល កំពុងព្យាយាមគេចចេញពីការធ្វើកំណែទម្រង់ការបោះឆ្នោតដោយដាក់ការ ទទួលខុសត្រូវឲ្យគ្នាទៅវិញទៅមក។ លោកបន្ថែមថា៖ «បញ្ហាប្រឈមនេះគឺមិនមែនអំពីការអនុញ្ញាតឬការមិនអនុញ្ញាតនោះទេ ប្រសិនបើមានឆន្ទៈនយោបាយចង់ធ្វើឲ្យមានច្បាប់ប្រសើរខ្ញុំប្រាកដ ថា អ្នកអាចរុញវាចេញបាន»។
ទន្ទឹមនឹងនេះ គណៈកម្មាធិការសម្រាប់ការបោះឆ្នោតដោយសេរី និងយុត្តិធម៌ ហៅកាត់ខុមហ្វ្រែល បានចេញរបាយការណ៍មួយដោយវិភាគកំណត់ត្រាគោលនយោបាយរបស់រដ្ឋាភិបាល ចាប់តាំងពីការបោះឆ្នោតលើកមុន។ ក្នុងចំណោមការសន្យាគោលនយោបាយសរុប៤៨បន្ទាប់ពីការបោះឆ្នោតលើកមុន មានតែគោលនយោបាយចំនួន១០ប៉ុណ្ណោះត្រូវបានចាត់ទុកថាធ្វើឲ្យការ សន្យារបស់ពួកគេ ក្លាយជារូបិយគ្រប់គ្រាន់ដើម្បីវាយតម្លៃដោយ ខុមហ្វ្រែល ដែលរកឃើញថា គោលនយោបាយចំនួន៥ក្នុងចំណោមគោលនយោបាយទាំងនោះត្រូវបានអនុវត្តពេញ លេញក្នុងអំឡុងអាណត្តិទីបួនរបស់គណបក្សប្រជាជន។ គោលនយោបាយជោគជ័យរបស់គណបក្សប្រជាជន រួមមានការធ្វើឲ្យកើនឡើង GDP សម្រាប់មនុស្សម្នាក់លើស៨៧០ ដុល្លារ ការកាត់បន្ថយភាពក្រីក្រយ៉ាងហោចណាស់មួយភាគរយ ក្នុងមួយឆ្នាំនិងការដំឡើងប្រាក់បៀវត្សរ៍ដល់មន្រ្តីរាជការចំនួន ២០ភាគរយក្នុងមួយឆ្នាំ។
គោលដៅដែលធ្វើឲ្យមានភាពរីកចម្រើនមិនគ្រប់គ្រាន់រួមមានការ អប់រំថ្នាក់បឋមសិក្សា ជាចំាបាច់នៅត្រឹមឆ្នាំ២០១០ ការបង្កើតមូលនិធិសន្តិសុខសង្គម និងការរក្សាកំណើនសេដ្ឋកិច្ចចំនួន ៧ភាគរយក្នុងមួយឆ្នាំ។
លោក គល់ បញ្ញានាយកប្រតិបត្តិអង្គការខុមហ្វ្រែល បានថ្លែងថា សមាជិកសង្គមស៊ីវិលអ្នកនយោបាយនិងនិស្សិត៧៥ នាក់ ត្រូវបានអញ្ជើញឲ្យចូលរួមការដាក់ពិន្ទុជាសាធារណៈទៅលើគោលនយោបាយ ដទៃៗដែលមិនអាចត្រូវបានពិនិត្យច្បាស់លាស់ដោយក្នុងនោះ ៦០ ភាគរយនៃអ្នកចូលរួមបានផ្តល់ការដាក់ពិន្ទុអវិជ្ជមានខ្ពស់ទៅលើ គោលនយោបាយដទៃភាគច្រើន។
ទោះយ៉ាងណាក្តី លោក ផៃ ស៊ីផាន បានថ្លែងថា គណបក្សប្រជាជនអាចកាត់បន្ថយភាពក្រីក្រនិងវិសមភាពជំរុញសន្តិសុខ ស្បៀងអាហារនិងការនាំមកនូវសុវត្ថិភាព និងស្ថិរភាពដល់ប្រជាជនកម្ពុជា។ លោកអះអាងថា ៨០ភាគរយនៃប្រជាជនកម្ពុជារីករាយជាមួយរដ្ឋាភិបាល៕
ប្រភពពី ភ្នំពេញ ប៉ុស្តិ៍

រដ្ឋាភិបាលកម្ពុជា រិះគន់របាយការណ៍ទម្លាក់ថ្នាក់កម្ពុជាពីការជួញដូរមនុស្ស

6/26/2013 01:48:00 PM ដំណឹងក្នុងប្រទេស

ភ្នំពេញៈ រដ្ឋាភិបាលកម្ពុជា បានធ្វើការរិះគន់របាយការណ៍របស់ក្រសួងការបរទេសអាមេរិកដែលបានទិតៀនយ៉ាងចាស់ដៃចំពោះកិច្ចប្រឹងប្រែងរបស់ខ្លួនដើម្បីទប់ស្កាត់ការជួញដូរមនុស្ស ដោយអះអាងថា របាយការណ៍នោះពោរពេញទៅដោយព័ត៌មានមិនត្រឹមត្រូវ និងការវាយតម្លៃដោយស្រពេចស្រពិល។ របាយការណ៍ស្តីពីការជួញដូរមនុស្ស(TIP) របស់ក្រសួងការបរទេសអាមេរិកត្រូវបានចេញផ្សាយកាលពីថ្ងៃសុក្រសប្តាហ៍មុន ដោយបញ្ចុះចំណាត់ថ្នាក់កម្ពុជាជាលើកដំបូងចាប់តាំងពីឆ្នាំ២០០៩ ដល់កម្រិតមួយសម្រាប់ប្រទេសដែលមិនអាចផ្តល់ភ័ស្តុតាងគ្រប់គ្រាន់ហើយថា ជាងនេះទៅទៀតពួកគេកំពុងតែព្យាយាមបំពេញតាមស្តង់ដារប្រឆាំងនឹងការជួញដូរមនុស្សក្នុងកម្រិតអប្បបរមា។ ក្នុងសេចក្តីថ្លែងការណ៍មួយដែលចេញផ្សាយកាលពីថ្ងៃម្សិលមិញដោយក្រសួងការបរទេស និងសហប្រតិបត្តិការអន្តរជាតិ របស់រាជរដ្ឋាភិបាលកម្ពុជា បានលើកឡើងថា របាយការណ៍នោះ ភាគច្រើនធ្វើមិនដឹងមិនឮចំពោះកិច្ចប្រឹងប្រែងរបស់កម្ពុជាក្នុងការប្រយុទ្ធប្រឆាំងការជួញដូរមនុស្ស ហើយបានចាត់ទុកផ្នែកខ្លះនៃរបាយការណ៍នេះថា«គួរឲ្យអស់សំណើច»។ សេចក្តីថ្លែងការណ៍ក្រសួងការបរទេសកម្ពុជានេះបានបន្តថា៖«ភាគច្រើននៃបញ្ហាដែលគេបានលើកឡើងក្នុងរបាយការណ៍នេះ បានធ្វើឡើងតាមការសន្និដ្ឋានជាទូទៅ ឬមិនមានព័ត៌មានពិតប្រាកដ»។ សេចក្តីថ្លែងការណ៍ដដែល បានលើកឡើងថា ប៉ុន្មានឆ្នាំថ្មីៗនេះកម្ពុជាបានជំរុញច្បាប់មួយចំនួនដែលគេធ្វើឡើងក្នុងបំណងបង្ក្រាបការជួញដូរដែលរបាយការណ៍នេះ«មានចេតនា»ធ្វើមិនដឹងមិនឮដើម្បីរិះគន់លើចន្លោះប្រហោងនៃដំណើរវិវត្តន៍របស់ប្រទេសកម្ពុជា។ របាយការណ៍ TIP បានវិនិច្ឆ័យជាពិសេសលើឆន្ទៈនិងកិច្ចប្រឹងប្រែងរបស់រដ្ឋាភិបាលក្នុងការដោះស្រាយបញ្ហាការជួញដូរមនុស្សជាជាងទំហំនៃបញ្ហារបស់ប្រទេសនេះ។

ចុចមើលបន្ត ៖ http://www.postkhmer.com/