ខណៈពេលដែល មាស សុខសោភា ពុំទាន់ត្រឡប់មកដល់ស្រុកកំណើតវិញនោះ ទស្សនាវដ្តីអង្គរធំ បានឲ្យដឹងថា តារារូបនេះហាក់បីដូចជាពុំសូវសប្បាយចិត្តចំពោះពាក្យលេចឮព័ត៌មានថា នាងមានឈ្មោះក្នុងបញ្ជីខ្មៅរបស់កាណាដា ហើយនាងត្រូវតែវិលមកស្រុកខ្មែរវិញ នៅថ្ងៃទី៥ ខែវិច្ឆិកា ខាងមុខនេះ បន្ទាប់ពីបានវេចសំពាយ ចេញទៅរកប្រាក់ កាលពីថ្ងៃទី១៦ សីហា។
លោក សុខ រតនៈ ជាបងប្រុស បាននិយាយទៅកាន់អ្នកសារព័ត៌មានថា “មិនដឹងបញ្ហាបញ្ជីខ្មៅអីនោះទេ ព្រោះប្អូនស្រីទៅច្រៀងនៅបរទេស អត់ដែលមានរឿងអីទេ តែប្រហែលជាមានបញ្ហាក្នុងការរស់នៅហួសកំណត់លើវីសា (Visa) ក៏មិនដឹង”។
កន្លងមក មានតារាចម្រៀងខ្លះបានទៅច្រៀងនៅកាដាណា បន្តស្នាក់នៅហួសកំណត់ទិដ្ឋាការ (Visa) ព្រមទាំងមានបញ្ហាជាមួយអាជ្ញាធរទៀតផង និងតារាចម្រៀងដទៃទៀត ម្ចាស់ Sponsor បានឲ្យទៅដើរលេងតែ ១យប់ ប៉ុន្តែទៅបាត់ ៣-៤យប់ ក៏មាន៕
Source : cen
